Mádenıet jáne sport mınıstrlígíníń barlyq qyzmetkerí bír mezette, Memlekettík Ánūrandy oryndady
4 mausym – Qazaqstan Respublıkasynyń Memlekettík rámízder kúní - azamattyq bírtektílíktí, ūltjandylyq pen bírlígímízdí nyǵaıtatyn merekeníń bírí.
Memlekettík rámízder kúní merekesíne oraı bekítílgen ís-sharalar josparyna sáıkes, búgín Mádenıet jáne sport mınıstrlígíníń barlyq qyzmetkerí bír mezette, karantın talaptaryn saqtaı otyra, Memlekettík Ánūrandy oryndady, dep habarlady Almaty-akshamy.kz mınıstrlíktíń baspasóz qyzmetíne síltemelep.
Aıta keteıík, atalǵan ís-shara barlyq mınıstrlíkte ótkízíldí.
Anyqtama:
«Qazaqstan Respublıkasynyń Memlekettík rámízderí turaly» Zańy 2007 jyly 4 mausymda qabyldandy. Osy Zańǵa sáıkes, jyl saıyn 4 mausym Qazaqstan Respublıkasynda Memlekettík rámízder kúní retínde merekelenedí.
Byltyr Memleket basshysynyń tapsyrmasyna sáıkes, Memlekettík Tuyn jáne Eltańbasyn jáne olardyń beınelerín, Memlekettík Gımníníń mátínín paıdalanu qaǵıdalaryna ózgeríster engízíldí.
Engízílgen ózgerísterdíń nátıjesínde azamattarymyz úshín Memlekettík Tudy paıdalanu ayasy zańnamalyq tūrǵyda keńeıtílíp otyr.
Atap aıtqanda, Memlekettík Tudy jeke jáne zańdy tūlǵalar ǵımarattarda (tūrǵyn úılerde jáne tūrǵyn emes úı-jaılarda), onyń íshínde balkondarda jáne saltanatty ís-sharalar ótkízíletín oryndarda patrıottyq sezímderín, qazaqstandyq bíregeılígín bíldíru, eldíń, onyń azamattarynyń jetístíkterín qoldau maqsatynda paıdalana alady.
Sonymen qatar jeke tūlǵalarǵa osy Qaǵıdalarǵa engízílgen ózgerísterge sáıkes, Memlekettík Tuyn bír qabatty jáne (nemese) kóp qabatty ǵımarattarda ekstererlí nūsqada ornalastyru kezínde ǵımarattyń sáulet erekshelíkteríne qaramastan paıdalanu múmkíndígí beríldí.
Jalpy alǵanda, joǵaryda kórsetílgen ózgertuler elímízdíń Tuynyń qoldanylu ayasyn edáuír keńeıtedí, onyń qoǵamdaǵy patrıotızm ruhyn nyǵaıtuǵa baǵyttalǵan sımvoldyq kapıtalyn jańasha ūǵynuǵa múmkíndík beredí.
