Qazaqstanda Qarýly kúshterdiń bedelin arttyrýǵa jáne jastardy merzimdi qyzmet ótkerýge yntalandyrýǵa baǵyttalǵan jobany iske asyrý jalǵasýda.
Úsh myńnan astam memlekettik bilim berý granttary, onyń ishinde eki myńnan astamy –"Kóktem-2024", myńnan astamy – "Kúz-2024" áskerge alynyp, 2025 jyly qyzmetin aıaqtaǵan azamattarǵa berildi, - dep habarlaıdy Aqshamnews.kz.
Áskerden bosatylǵannan keıin eki jyl ishinde qazaqstandyqtar azamattyq jáne áskerı joǵary oqý oryndaryna UBT tapsyrýsyz aqyly negizde oqýǵa túse alady. Odan ózge konkýrstyq irikteýden sátti ótken Sarbaz 2.0 jobasyna qatysýshylar úshin memleket esebinen joǵary bilim alý múmkindigi qarastyrylǵan.
Granttardy bólýdiń ashyqtyǵyn Sarbaz 2.0 aqparattyq júıesi qamtamasyz etedi. Munda jaýyngerlik daıarlyq kórsetkishteri, tártip jáne árbir áskerı qyzmetshiniń testileý nátıjeleri tirkeledi. İrikteý nátıjeleri platformada jarıalanady jáne bul qatysýshylarǵa óz derekterin óz betinshe tekserýge múmkindik beredi.
2025 jyldan bastap memlekettik grant ıegerlerine qosymsha stıpendıa, jataqhana jáne áskerı kafedrada konkýrstan tys oqytý sıaqty jeńildikter beriledi. Bul ofıserlik qyzmetke jol ashady.
Joba iske qosylǵan 2023 jyldan beri merzimdi qyzmetten ótken azamattarǵa toǵyz myńnan astam bilim berý granty bólindi.
Grant ıelengen «Kúz-2024» áskerı qyzmetshileriniń tizimin myna silteme arqyly kóre alasyzdar
https://www.gov.kz/memleket/entities/mod/press/article/details/205311?lang=kk