Álemdik kofe naryǵy jyl saıyn ósip kele jatqanymen, ár eldiń kofeni tutyný deńgeıi ózgerip otyrady.
Jańa zertteý boıynsha Soltústik Eýropa memleketteri adam basyna shaqqandaǵy kofe tutynýdan áli de kósh bastap tur, - dep habarlaıdy Aqshamnews.kz tilshisi.
Cafely kompanıasynyń derekterine negizdelgen ınfografıka 2025 jyly 65 eldi jan basyna shaqqandaǵy táýliktik kofe tutyný kólemi boıynsha salystyrady. Nátıjeler ár aımaqtaǵy kofege degen múlde ózgeshe ádetterdi kórsetedi.
Sýret: naked-science.ru
Lúksembýrg álemdegi eń kóp kofe ishetin el atandy - bir adam kúnine orta eseppen 5,31 kese kofe tutynady.
Mundaı kórsetkishtiń joǵary bolýyna elde jumys istep, biraq kórshi memleketterde turatyn "shekaraaralyq qyzmetkerlerdiń" úlesi áser etip otyr. Eńbek naryǵynyń 47%-yn osyndaı jumysshylar quraıdy jáne olardyń kúndelikti ádetteri Lúksembýrg statısıkasyna engiziledi.
Kofe mádenıetimen tanymal Fınlándıa men Shvesıa da aldyńǵy qatardan kórindi. Jalpy alǵashqy on eldiń barlyǵy — Eýropada ornalasqan memleketter.
Al kólemi úlken AQSH, Japonıa jáne Brazılıa sekildi elderde kofe jan basyna shaqqandaǵy tutyný boıynsha kórsetkish áldeqaıda tómen.
- AQSH - kúnine 1,22 kese (24-oryn)
- Japonıa - kúnine 1 kesege jetpeıdi
- Brazılıa - 1,58 kese (18-oryn)
- Reseı - kúnine 0,5 kese (46-oryn)
Reıtıńtiń sońynda shaı ishýdi jón kóretin elder ornalasqan.
Úndistan – eń tómen kórsetkishke ıe: kúnine 0,02 kese. Iaǵnı jeti aptada bir kese kofe ishýmen teń. Afrıka men Ońtústik Azıanyń birneshe memleketterinde de kofe tutyný kólemi óte tómen - kúnine 0,3 keseden az.