Aqshamnews.kz redaksıasy "Kún sany" aıdarynda aptanyń eń mańyzdy derekterine sholý jasady.
Qazaqstan - TMD-daǵy eń beıbitsúıgish memleket
Global Peace Index baıandamasynyń málimetinshe, beıbitsúıgish elder reıtıńinde Qazaqstan 163 eldiń ishinde 56-orynǵa jaıǵasty.
Baıandama avtorlarynyń nusqasy boıynsha, bir jyl ishinde reıtıńte bes satyǵa kóterilgen Qazaqstan – TMD-daǵy eń beıbit el. Qazaqstanǵa eń jaqyn ornalasqandar - Armenıa (58-oryn), Moldova men Ózbekstan (tıisinshe 66 jáne 67-oryn).
Qazaqstandyq stýdentter III Túrki ýnıversıadasynda 23 medal jeńip aldy
Qyrǵyz Respýblıkasynyń Cholpon-Ata qalasynda joǵary oqý oryndary stýdentteri arasynda III Túrki ýnıversıadasy ótti. Ýnıversıadaǵa Túrki memleketteri uıymyna múshe elderdiń stýdent-sportshylary qatysty. Jarys voleıbol, fýtzal, ústel tenısi, shahmat, dzúdo, erkin kúres jáne grek-rım kúresi sıaqty 7 sport túri boıynsha ótedi.
Almatydaǵy otbasylar sany
Ulttyq statısıka búrosynyń málimetinshe, bıyl maýsymda 870 neke qıylǵan. Al jyl basynan beri 4421 jup resmı túrde shańyraq kótergen.
Bıylǵy statısıka:
- qańtar - 634;
- aqpan - 737;
- naýryz - 677;
- sáýir - 751;
- mamyr - 752;
- maýsym - 870.
Aıta keteıik, jyl basynan beri jalpy respýblıka boıynsha 51370 jup nekege turǵan.
Keıingi jyldardy saralasaq:
- 2023 jyly - 13074
- 2024 jyly - 10787 jup úılengen.
Almatyda alǵash ret otbasyn qurǵandardyń ortasha jasy qandaı?
- erler - 28;
- áıelder - 26.
Sondaı-aq, qalada otbasyn qurǵanyna 20 jyldan asqan 557 januıa bar.