Konor Makgregor Irlandıa prezıdenttigine úmitker bolýǵa sheshim qabyldady, dep habarlaıdy aqshamnews.kz
Eger bılikke kelse, MMA jekpe-jekshisi otbasylyq qundylyqtardy, jumysshylardyń jáne shaǵyn bıznestiń quqyqtaryn qorǵaıtynyn ýáde etti.
Tanymal jekpe-jekshi Konor Makgregor Irlandıa prezıdenttigine úmitker bolý nıetin bildirdi. Ol bul týraly ádettegideı ótkir málimdeme jasady.
«Men bul týraly buryn da aıtqanmyn, qazir qaıtalaımyn: Irlandıa halqyna jumysshylardyń baılyǵyn aldap tartyp alǵandardan, otbasylyq qundylyqtardy jáne shaǵyn bıznesti joıýshylardan jaýap talap etemin!» — dep jazdy ol X jelisinde.
Saılanǵan jaǵdaıda Makgregor qajet bolsa, parlamenttiń tómengi palatasyn taratatynyn aıtty.
«Irlandıaǵa halyq múddesine tolyq berilgen belsendi prezıdent kerek. Ol — menmin. Men — jalǵyz logıkalyq tańdaý. 2025 jyl jaqyndap qaldy...» — dep jazdy jekpe-jekshi.