Qazaqstanda jańa qyzmettíń engízíluíne baılanysty arnaıy HQKO-larda ūzyn-sonar kezek paıda boldy, - dep habarlaıdy aqshamnews.kz tílshísí.
Endí qazaqstandyqtar kólíktíń memlekettík tírkeu nómírín tsıfrlyq jáne áríptík belgílerí boıynsha óz qalauy boıynsha tańdaı alady. Būl ózgeríster 2026 jylǵy 1 qańtardan bastap kúshíne endí.
Osyǵan baılanysty 5 qańtarda elímízdíń bírqatar óńíríndegí arnaıy HQKO-da ūzyn-sonar kezek paıda boldy.
Áleumettík jelílerde jarıyalanǵan vıdeolarda, ásírese Aqtau men Almatydaǵy arnaıy HQKO-larda adam kóp jınalǵany kórínedí.
Būl jaǵdaıǵa baılanysty "Azamattarǵa arnalǵan úkímet" memlekettík korporatsıyasynyń baspasóz qyzmetí píkír bíldírdí. Korporatsıya málímetínshe, memlekettík tírkeu nómírín erkín tańdau múmkíndígí turaly aqparattyń keń taraluyna baılanysty arnaıy HQKO-larda qyzmet alushylar sany artqan.
Sonymen qatar, barlyq arnaıy HQKO qalypty rejımde jūmys ístep jatqany, azamattarǵa qyzmet kórsetu ádettegí tártíppen júrgízílíp jatqany jáne aqparattyq júıelerde eshqandaı tehnıkalyq aqau tírkelmegení aıtyldy.