Atyrau oblysynda Qyzylqoǵa audany ákímíníń orynbasary Erbolat Iǵalı jol apatynan qaza tapty, dep habarlaıdy Aqshamnews.kz tílshísí «Aq Jaıyq» basylymyna sílteme jasap.
Basylym málímetínshe, oqıǵa tańerteń bolǵan. Erbolat Iǵalı júrgízushísímen bírge qyzmettík kólíkpen jūmysqa bara jatqanda, kólík tasjolda audarylyp ketken. Apat saldarynan sheneuník oqıǵa ornynda kóz jūmdy. Júrgízushí aman qalǵan.
Qaıǵyly jaǵdaıdy Atyrau oblysynyń ákímdígí rastady.
«Qyzylqoǵa audany ákímíníń orynbasary Erbolat Aıdynǵalıūly Iǵalıdíń kenetten qaıtys boluyna baılanysty onyń otbasyna, tuǵan-tuystary men jaqyndaryna, sondaı-aq áríptesteríne qaıǵyryp kóńíl aıtamyz», – dep málímdedí oblystyq ákímdík.
Kelesí aıda Erbolat Iǵalı 46 jasqa tolar edí. Artynda bes balasy qaldy.
Erbolat Iǵalı eńbek jolyn audandyq gazette tílshí bolyp bastaǵan. 2023 jylǵy 30 qańtardan bastap Qyzylqoǵa audany ákímíníń orynbasary qyzmetín atqardy.