Qazírgí zamanda aqparat kóp bolǵanymen, tereń bílím men sanaly oıdyń negízgí kózí – kítap. Osy tūrǵydan alǵanda, «Men oqyǵan 10 kítap» aktsıyasy – qoǵamda oqu mádenıetín qalyptastyruǵa baǵyttalǵan mańyzdy árí ózektí bastama.
Kítap oqu – men úshín tek bílím alu emes, ómírlík tájírıbení keńeıtu, oıdy júıeleu jáne dūrys sheshím qabyldauǵa kómektesetín qūral. Kítap adamnyń dúnıetanymyn ózgertíp, jańa kózqaras qalyptastyrady.
Sońǵy uaqytta oqyǵan kítaptarymnyń qatarynda bıznes, psıhologıya, qarjy sauattylyǵy jáne tarıh baǵytyndaǵy eńbekter bar. Atap aıtqanda, «Delaı bıznes na mıllıon» – kásípkerlík oılau men tabysqa jetudíń negízgí qaǵıdalaryn túsíndíredí. «Kak dumayut pobedıtelı» – tabysty adamdardyń oılau júıesín ǵylymı tūrǵyda taldaıdy. Marǵūlan Seısembaı «Mıssıya vypolnıma» – ómírlík maqsat qoyu jáne ony júzege asyru joldary turaly. Dj. M. Trıppon «Olıgarh. Kak stat bogatym navsegda» – qarjylyq táuelsízdíkke jetudíń strategıyalary. Uılyam O’Nıl «Kak delat dengı na fondovom rynke» – ınvestıtsıya men qarjy naryǵyndaǵy naqty tájírıbege negízdelgen eńbek. Robert Dılts jáne t.b. «Alfa-lıderstvo» – kóshbasshylyq qasıetterdí damytuǵa baǵyttalǵan. Rıchard Koh «Prıntsıp 80/20» – nátıjege jetudegí eń tıímdí tásílderdí kórsetedí. Samat Ótenıyazov «Ábílhaıyr han jáne onyń Qazaqstan tarıhyndaǵy orny» – tarıhı tūlǵanyń el tarıhyndaǵy rólín ashyp,«Shoqan Uálıhanov – jıhanger zertteushí» – qazaqtyń ūly ǵalymynyń mūrasyn tereń túsíndíredí. Aman Tuleev «S moıh slov zapısano verno» – basqaru, sayasat jáne ómírlík tájírıbe turaly oı-tolǵamdary bar.
Būl kítaptardyń árqaısysy maǵan ártúrlí baǵytta áser ettí. Bírí – kásípkerlík oılaudy damytsa, ekínshísí – kóshbasshylyq qasıetterdí kúsheıttí. Al tarıhı eńbekter ótkenímízdí tereń túsínuge múmkíndík berdí.
Búgíngí qoǵamda jedel aqparatqa táueldílík artyp keledí. Alaıda kítap – asyqpaı oılanuǵa, saralauǵa jáne tereń túsínuge úıretetín bírden-bír qūral. Ásírese, jas ūrpaq úshín kítap oqudyń mańyzy erekshe. Osyndaı bastamalar arqyly bíz tek ózímízdí damytyp qana qoımaı, qoǵamǵa úlgí bolar edík. Óıtkení oqıtyn adam – ízdenetín adam, al ízdenetín adam – el damuyna úles qosatyn tūlǵa.Barshańyzdy kítap oquǵa shaqyramyn!
Mahambet Asabaev
«AMANAT» partıyasy Almaty qalalyq fılıaly partıyalyq baqylau komıssıyasy tóraǵasynyń orynbasary. «MaxMedGlobal» JShS bas dırektory