Aqtauda «MAEK» JShS-níń ekí qyzmetkerí №1 tsehta tūz qyshqyly erítíndísímen jūmys ísteu kezínde kúıík aldy, dep habarlaıdy Aqshamnews.kz tílshísí «Aq Jaıyqqa» sílteme jasap.
Mańǵystau oblysynyń memlekettík eńbek ınspektsıyasy departamentíníń málímetínshe, oqıǵa 23 sáuír kúní saǵat 10:30-da №1 tsehta bolǵan.
Aldyn ala derek boıynsha, qyzmetkerler negízgí kondensatordy qyshqylmen shayu jūmystaryn júrgízgen. Tūz qyshqyly erítíndísí sorǵy arqyly shlangpen berílgen. Jūmys ayaqtalyp, jabdyq óshírílgennen keıín shlangty ajyratu kezínde erítíndí atqylap ne shashyrap ketken. Saldarynan qyshqyl tamshylary jūmysshylardyń betí men kózíne tıgen.
Zardap shekkender medıtsınalyq kómek kórsetu úshín Mańǵystau oblystyq auruhanasyna jetkízíldí.
Eńbek ınspektsıyasynyń habarlauynsha, jūmys berushí jazataıym oqıǵa turaly vedomstvoǵa belgílengen tártíppen habarlaǵan.
Qazír jaraqattyń auyrlyq deńgeıí turaly medıtsınalyq qorytyndy kútílíp otyr. Eger auyr nemese toptyq jazataıym oqıǵa belgílerí anyqtalsa, tergeu memlekettík eńbek ınspektorynyń qatysuymen arnaıy tártípte júrgízíledí.
Oqıǵanyń mán-jaıy anyqtalyp jatyr