Aqmola oblysynda būrynǵy synyptasyna pyshaqpen shabuyl jasady degen kúdíkpen jígít ūstaldy, dep habarlaıdy Aqshamnews.kz tílshísí.
Polıtsıya málímetínshe, 24 sáuír kúní Makınsk qalasynyń medıtsınalyq mekemesíne pyshaq jaraqattarymen 18 jastaǵy jergílíktí tūrǵyn jetkízílgen. Atalǵan derek boıynsha qylmystyq ís qozǵaldy.
Kúdíktí retínde jábírlenushíníń būrynǵy synyptasy ūstalyp, uaqytsha ūstau ızolyatoryna qamaldy. Qazírgí uaqytta oqıǵanyń barlyq mán-jaıyn jan-jaqty anyqtauǵa baǵyttalǵan tergeu áreketterí júrgízílíp jatyr.
Tergeu barysy oblystyq polıtsıya departamentí basshylyǵynyń baqylauynda. QR QPK-níń 201-babyna sáıkes ózge aqparat jarıyalanbaıdy.
Aldyn ala málímetterge sáıkes, oqıǵa stadıonda voleıbol oıyny kezínde bolǵan. Betperde taqqan jas jígít kelíp, 11-synyp oqushysynyń kózíne būrysh gazy shashyp, keıín moıny men ísh tūsynan bírneshe ret pyshaq jaraqatyn salǵan. Odan keıín kúdíktí oqıǵa ornynan ketíp qalǵan.