Tūrǵyn úılerdegí kíreberíster, baspaldaq alańdary men aulalar – ortaq paıdalanuǵa arnalǵan oryndar. Sondyqtan ol jerlerde balalar arbasy, velosıped, jıhaz sekíldí jeke zattardy saqtauǵa bolmaıdy. Mūndaı áreket úshín QR Ákímshílík qūqyqbūzushylyqtar turaly kodeksíne saı aıyppūl qarastyrylǵan. Qandaı aıyppūl jáne būl turaly zańger ne deıdí? Tolyǵyraq Aqshamnews.kz materıalynda.
1. Órt qauípsízdígí erejesín būzu
Eger jeke zattar (arbalar, velosıpedter jáne t.b.) evakuatsıya joldaryna kedergí keltírse, būl órt qauípsízdígí talaptaryn būzu retínde sanalady.
- QR ÁQBK 410-babyna sáıkes – 5 AEK (19 660 teńge) kólemínde aıyppūl salynady.
- Eger bír jyl íshínde qaıtalansa – 10 AEK (39 320 teńge).
Zańger Erjan Bolatbektíń aıtuynsha, 2022 jylǵy 21 aqpandaǵy №55 būıryqpen bekítílgen Órt qauípsízdígí qaǵıdalaryna sáıkes, evakuatsıyalyq esíkter men joldardy eshqandaı zatpen jabuǵa nemese taryltuǵa bolmaıdy. Órt kezínde būl adamdardyń qauípsíz shyǵuyna kedergí keltíruí múmkín.
2. Órtke qatysy joq oryndarda tūrǵan jaǵdaıda
Eger arba nemese velosıped órt joldaryna kedergí keltírmeıtín jerde tūrsa, bíraq tūrǵyndardyń aryzy negízínde shaǵym tússe, QR ÁQBK 505-baby boıynsha jauapkershílík qarastyrylady:
- 20 AEK (78 640 teńge) aıyppūl.
3. Qoqys shyǵaryp qoıǵan jaǵdaıda
Kíreberíske nemese ortaq aumaqqa qoqys qoıǵandar QR ÁQBK 434-2 babyna sáıkes jazalanady:
- Bírínshí ret – 10 AEK (39 320 teńge),
- Qaıtalansa – 20 AEK (78 640 teńge) aıyppūl.
Zańgerdíń aıtuynsha, eger osyndaı áreket saldarynan bíreudíń densaulyǵyna nemese ómíríne qauíp tónse, ís típtí qylmystyq jauapkershílíkke deıín barady.