Keıíngí úsh táulíkte qar qūrsauynan 78 adam qūtqarylyp, evakuatsıyalandy, – dep habarlaıdy aqshamnews.kz tílshísí.
Boran, kóktaıǵaq, qatty jel jáne jol kórínbeı qalǵanyna baılanysty (7–9 nauryz aralyǵynda) Tótenshe jaǵdaılar mınıstrlígíníń qūtqarushylary 78 adamdy, onyń íshínde 7 balany qūtqaryp, evakuatsıyalady. Sonymen qatar 29 avtokólík qar qūrsauynan shyǵaryldy.
Qazaqstan TJM azamattardy saqtyq sharalaryn saqtauǵa, aua raıyna baılanysty eskertulerdí qadaǵalauǵa jáne qolaısyz aua raıy jaǵdaıynda alys saparlarǵa shyqpauǵa shaqyrady. Auyl tūrǵyndaryna aua-raıynyń nasharlauy jaǵdaıynda ūzaq seruendeuden bas tartu ūsynylady.
