Elímízde jyldyń basynan bastap jol salasyndaǵy mamandar arasynda bílíktílíktí arttyru kurstaryna qyzyǵushylyqtyń aıtarlyqtaı ósuí baıqalady.
Toǵyz aıdan kem uaqyt íshínde 300-ge juyq jol mamany «QazjolǴZI»-díń Qūzyrettílíktí damytu ortalyǵyna bílíktílígín arttyru úshín júgíngen, dep habarlaıdy aqshamnews.kz
Byltyr Instıtut būl kórsetkíshke tek jyl sońyna qaraı ǵana jetken bolatyn.
«Jolshylar sońǵy ázírlemelerden habardar boluy kerek. Tehnologıya men jańalyqtar bír orynda tūrmaıdy, kún saıyn jańa sheshímder tabylady, al normatıvter halyqaralyq standarttarǵa sáıkes ózektendírílude. Sondyqtan bíz joldyń joǵary sapasyna qol jetkízgímíz kelse, mamandardyń bílíktílígín únemí arttyryp otyruymyz qajet. Salalyq bílímge degen sūranys jyl saıyn artyp keledí. Būryn bízdíń kurstar 25 baǵytty qamtysa, qazír olardyń sany 33-ke jettí. Sonymen qatar, bíz tapsyrys berushílerdíń sūranysyna qaraı, jańa taqyryptarmen kurstar ótkíze alamyz. Onlaın jáne oflaın sabaqtardan tys, bízde tapsyrys berushíníń ornalasqan jerínde kóshpelí kurstar ótkízude qarastyrylǵan», - dedí tehnıkalyq ǵylymdar kandıdaty — «QazjolǴZI» Qūzyrettílíktí damytu ortalyǵynyń dırektory Guljamal Umarova.
Avtojol salasyndaǵy kadrlar tapshylyǵy problemasyn sheshu maqsatynda «QazjolǴZI» AQ ótken jyly jol salasy mamandarynyń tsıfrlyq bankín qūrdy. Jolshy jolshylar bazasynda barlyq sala mamandary, sonyń íshínde bílíktílík, jūmys tájírıbesí jáne bílíktílíktí arttyru sertıfıkattarynyń boluy turaly aqparat qamtylǵan. Jūmys berushíler úshín qajettí kadrlardy íríkteuge múmkíndík qarastyrylǵan. Qazírgí tańda bazany toltyru jáne ony basqa memlekettík júıelermen bíríktíru jūmystary júrgízílude. Baza jyl sońyna deıín qoldanysqa engízíledí dep kútílude.