«Perzent» balalar úıínde oryn alǵan tótenshe jaǵdaıdan keıín «AMANAT» partıyasy Almaty qalalyq fılıalynyń «Jastar Ruhy» Jastar qanaty alǵashqy kúnnen bastap balalarǵa qoldau kórsetu jūmystaryna kírístí. Oqıǵa saldarynan ǵımarattyń bírqatar bólmelerí jaramsyz kúıge túsíp, mekemege shūǵyl tazalau jáne qalpyna keltíru sharalary qajet boldy.
Úsh kún íshínde ūıym eríktílerí aumaqty tazalau, búlíngen bólmelerdí qalpyna keltíru, balalarǵa jańa jatyn oryndaryn daıyndau jáne kúndelíktí qajettí zattardy qamtamasyz etu baǵytynda auqymdy jūmys atqardy.
Osy kezeńde 150-den astam eríktí óz erkímen kelíp, balalardyń jaǵdaıyn jaqsartuǵa úles qosty. Olar órtten zardap shekken aumaqty tazalap, jaramsyz zattardy shyǵaryp, bólmelerdí retke keltíríp, balalardyń qauípsíz árí jaıly ortada boluyna jaǵdaı jasauǵa kúsh saldy.
«AMANAT» partıyasy Almaty qalalyq fılıaly «Jastar Ruhy» Jastar qanatynyń tóraǵasy Díldábek Dıdarbek Jūmaǵalıūly resmı píkírínde bylaı dedí:
«Būl oqıǵa bárímízdíń júregímízge auyr tıdí. Osyndaı qıyn sátte jastardyń bírlígí, janashyrlyǵy jáne jauapkershílígí erekshe kóríndí. “Perzent” balalar úıíndegí balalar – bízdíń óz bauyrlarymyz. Olardyń qauípsízdígí men jaılylyǵy úshín qoldan kelgen kómektí kórsetu – ortaq míndetímíz. Jastar taǵy da halyqpen bírge ekenín dáleldedí».
«Jastar Ruhy» aldaǵy uaqytta da qajettílík tuyndaǵan jaǵdaıda kómek jūmystaryn jalǵastyryp, balalar úıíníń qalypty jaǵdaıǵa keluíne qoldau kórsetudí josparlap otyr.