Astana qalasynyń qylmystyq íster jóníndegí audanaralyq soty qylmystyq jolmen alynǵan aqshany zańdastyrdy jáne asa írí kólemde alayaqtyq jasady dep aıyptalǵan erlí-zaıypty Totaqanovtardyń árqaısysyna 7 jyldan bas bostandyǵynan aıyru jazasyn taǵaıyndady, dep habarlaıdy Aqshamnews.kz tílshísí.
Sot materıaldaryna sáıkes, 2020–2024 jyldary erlí-zaıypty 2019 jyly tuǵan, auyr dıagnozdary bar ūlyn emdetuge qarajat jınaımyz degen jeleumen júıelí túrde aqsha jınaǵan. Qarajat tartu úshín áleumettík jelílerde targettelgen jarnama qoldanylǵan.
Sottyń baspasóz qyzmetí málím etkendeı, Tolqyn Totaqanova men onyń anasynyń esepshotyna shamamen 2,2 mlrd teńge túsken. Onyń 1,4 mlrd teńgesí qaıyrymdylyq retínde audarylǵan. Alaıda jınalǵan aqshanyń edáuír bólígí balanyń emíne emes, otbasynyń jeke qajetíne jūmsalǵan.
Naqtyraq aıtqanda, sot anyqtauynsha, balany emdeuge bar bolǵany 6,4 mln teńge ǵana ketken. Qalǵan qarajat erlí-zaıyptynyń jeke shyǵyndaryna baǵyttalǵan: target júrgízu, qymbat múlík satyp alu, qūmar oıyn oınau, qaryz jabu jáne depozıt jınau.
Ís materıaldarynda olardyń satyp alǵan múlkí de atalady. Atap aıtqanda: jalpy qūny 47 mln teńge bolatyn ekí páter, 8 mln teńgege jer uchaskelerí, sondaı-aq LEXUS RX 300 (28 mln tg), Hyundai Santa Fe (8,2 mln tg), Toyota Camry 75 (15 mln tg) jáne Toyota Land Cruiser Prado 150 (somasy naqtylanbaǵan) kólíkterí alynǵan.
Būdan bólek, brendke jáne qūmar oıynǵa 9,7 mln teńge, Facebook Ads jarnamasyna 481 mln teńge, qaryzdardy óteuge 349,5 mln teńge jūmsalǵany kórsetílgen. Sondaı-aq depozıtten paıyzdyq tabys alǵany da aıtyldy.
Sot olardyń áreketterínde QR QK 218-babynyń 2-bólígí 1-tarmaǵynda kózdelgen qylmystyq jolmen alynǵan qarajatty zańdastyru belgílerí bar ekenín atap óttí.
Prokuror erlí-zaıyptynyń bíríne 6 jyl, ekínshísíne 4,8 jyl sūrap, 10 jyl boıy qaıyrymdylyqpen aınalysuǵa tyıym saludy talap etken. Alaıda sot jazany qatańdatyp, árqaısysyn 7 jylǵa sottady jáne 10 jyl qaıyrymdylyqpen aınalysuǵa tyıym saldy.
Kámeletke tolmaǵan balasy baryn eskeríp, sot áıel adamnyń jazasyn 2 jylǵa shegergen. Sondaı-aq úkímmen erlí-zaıyptynyń barlyq múlkí tárkílendí.