Japonıyanyń soltústík-shyǵysynda quaty 7,6 ball bolatyn jer sílkínísí tírkeldí. Jer asty dúmpulerí típtí Tokıonyń ortalyǵynda da sezíldí, dep habarlaıdy Aqshamnews.kz tílshísí Japonıyanyń meteorologıyalyq ortalyǵyna sílteme jasap.
Vedomstvonyń málímetínshe, Hokkaıdo, Aomorı jáne Ivate prefekturalarynda bıíktígí 3 metrge deıín jetetín tsunamı qaupíne baılanysty eskertu jarıyalanǵan.
Jer sílkínísíníń epıtsentrí Aomorı jaǵalauynda, shamamen 50 shaqyrym tereńdíkte ornalasqan. Aımaqta ekí órt oqıǵasy tírkelgen. Tokıo men Sın-Aomorı qalalary arasyndaǵy joǵary jyldamdyqty poıyz qozǵalysy uaqytsha toqtatyldy.
Japonıya úkímetí qazír zardap shekkender turaly aqparatty naqtylap jatyr. «Tomarı» atom elektr stantsıyasynda eshqandaı auytqu anyqtalmaǵany habarlandy.
Būǵan deıín, shílde aıynyń ayaǵynda, Japonıyada Reseıdíń Kamchatka jaǵalauynda bolǵan 7,9 balldyq jer sílkínísínen keıín bıíktígí 3 metrge deıín jetuí múmkín tsunamı qaupíne baılanysty eskertu jarıyalanǵan edí.