Nauryzbaı audanyndaǵy Saq qorǵany aumaǵynda keń kólemdí senbílík óttí
Nauryzbaı audanynda ótken senbílíkke 250-den astam adam qatysty. Olardyń qatarynda audan ákímdígí apparatynyń qyzmetkerlerí, Qazaqstan halqy Assambleyasynyń ókílderí, tanymal medıa tūlǵalar, kommunaldyq qyzmet mamandary jáne beı-jaı qaramaıtyn qala tūrǵyndary boldy.
– Jastaıymnan qoǵamdyq jūmystarǵa belsendí túrde qatysyp kelemín. Búgíngí kún de men úshín erekshe emes, óıtkení Almaty – bízdíń ortaq úıímíz. Qala tazalyǵy men tártíbí árbír tūrǵynǵa baılanysty. Osy sáttí paıdalana otyryp, barshańyzǵa beıbítshílík, jaqsylyq jáne molshylyq tíleımín. Qasıettí Nauryz merekesí qūtty bolsyn! – dedí Qazaqstannyń eńbek síńírgen ártísí Erlan Kókeev.
Nauryzbaı audanynyń ūıǵyr etnomádenı ortalyǵynyń ókílderí osyndaı ıgí sharalarǵa jyl saıyn belsene atsalysady.
– Bíz būǵan deıín de mūndaı senbílíkterge qatysyp júrgenbíz. Būl joly da eshkím beı-jaı qalǵan joq. Barlyq qatysushylarǵa arnap dámdí palau men bauyrsaq ázírledík, – dedí Nauryzbaı audanyndaǵy etnomádenı ortalyqtyń tóraǵasy Bahtıyar Ismaılov.
Aıta ketu kerek, tazalyq jūmystaryna 18 arnaıy tehnıka jūmyldyrylyp, 150 tekshe metr qoqys pen qys boıy jınalǵan topyraq shyǵaryldy. Kommunaldyq qyzmetkerler aǵashtardy sanıtarlyq qyrqudan ótkízíp, jasyl aımaqtardy tazalap, qorshaulardy, oryndyqtar men qoqys jáshíkterín syrlady. Sondaı-aq, kósheler men jayau júrgínshíler joldary juyldy.
Nauryzbaı audanynda ótken būl senbílík bírlíktíń, tuǵan qalaǵa degen qamqorlyq pen onyń tarıhyna qūrmet kórsetudíń sımvolyna aınaldy. Almaty – bízdíń ortaq úıímíz, jáne onyń tazalyǵy árqaısymyzǵa tíkeleı baılanysty.