Mańǵystau oblysyndaǵy "Ústírt" shekara beketínde byltyr qazanda merzímdí sarbaz qaıtys boldy. Būl oqıǵaǵa qatysty tergeu ayaqtaldy. Shekara bólímshesíníń bastyǵy salǵyrttyq úshín kínálí dep tanylyp, ekí jylǵa bas bostandyǵynan aıyryldy, – dep habarlaıdy aqshamnews.kz tílshísí Lada.kz-ke sílteme jasap.
"Ústírt" shekara beketíníń bastyǵyna qatysty sot protsesí Aqtóbe garnızonynyń áskerı sotynda óttí. Úkím 26 nauryz kúní shyǵaryldy.
Ís qūjattaryna sáıkes, komandırge dızel agregatynan maı aǵyp tūrǵany jáne radıatordyń bíteluí múmkín ekení jetkízílgen. Soǵan qaramastan, keshkí uaqytqa qaramaı, ol ekí merzímdí áskerı qyzmetshíge jabdyqty tazalaudy auyzsha tapsyrǵan.
Sarbazdardyń bírí – qatardaǵy Erkebūlan Saǵyndyq janar-jaǵarmaı materıaldary saqtalǵan qoımaǵa kanıstrlermen barǵan. Ol tsısterna ústíne shyǵyp, qaqpaǵyn ashyp, 20 lıtrlík ydysqa benzın qūya bastaǵan. Sol sátte janarmaı buyna ulanyp, esínen tanyp qalǵan.
Tergeu deregínshe, ol shamamen 20 mınut boıy es-tússíz jatqan. Ony qyzmettesterí baıqap, alǵashqy kómek kórsetuge árekettengenímen, sarbazdy aman alyp qalu múmkín bolmady. Ol esín jımastan mūnaı ónímderíníń buynan ulanyp qaıtys bolǵan.
Tergeu barysynda beket bastyǵy jabdyqtaǵy aqaudy bílgení jáne mūndaı jūmysty qarańǵy uaqytta jaryqsyz júrgízuge bolmaıtynynan habardar bolǵany anyqtalǵan. Būdan bólek, qoımada arnaıy janarmaı qūyu qūrylǵysy bolmaǵan, al qauípsízdík tehnıkasy boıynsha nūsqaulyq ótkízílmegen.
Sot barysynda aıyptalushy óz kínásín tolyq moıyndap, bolǵan jaǵdaı úshín jauapkershílíktí túsínetínín aıtty.
Sot 26 jastaǵy shekara bólímshesíníń bastyǵyn kínálí dep tanyp, jazany eń tómengí qauípsízdík mekemesínde óteumen ekí jylǵa bas bostandyǵynan aıyru turaly úkím shyǵardy. Sonymen qatar ol qaza tapqan sarbazdyń anasyna moraldyq ótemaqy retínde 10 mıllıon teńge tóleuge míndetteldí.
Úkím ázírge zańdy kúshíne engen joq.