Qysqy Paralımpıada qatysushylary Almatydaǵy matchtíń qūrmettí meımandary boldy, – dep habarlaıdy aqshamnews.kz tílshísí.
Almatyda «Qaırat» pen «Astana» futbol klubtary arasyndaǵy oıyn barysynda 2026 jylǵy qysqy Paralımpıadaǵa qatysqan sportshylar qūrmettí qonaq retínde arnaıy shaqyryldy.
Paralımpıadashylardyń keluí matchtyń mańyzyn arttyryp, beıímdelgen sportty damytu men erekshe qajettílígí bar azamattardy qoldaudyń ózektílígín aıqyndaı tústí.
Qonaqtar qatarynda 2026 jylǵy qysqy Paralımpıada oıyndarynyń chempıony árí qola júldegerí Erbol Hamıtov ta boldy. Ol halyqaralyq deńgeıde joǵary nátıjelerge qol jetkízgen, elímízdegí paralımpıadalyq sporttyń beldí ókílderíníń bírí. Onyń jetístíkterí tabandylyqtyń, qaısar ruhtyń jáne sportqa degen shynaıy adaldyqtyń aıqyn dálelí.
Match ayasynda paralımpıadashylar stadıondy qūrmet sheruímen aınalyp ótíp, kórermenderdíń ystyq yqylasyna bólendí. Jankúıerler olardy zor qoshemetpen qarsy alyp, ūzaq uaqyt qol soǵyp qoldau bíldírdí. Būl kórínís keshtíń eń áserlí sátteríníń bíríne aınalyp, kópshílíkke erekshe áser syılady.
Kezdesude «Qaırat» komandasy 4:0 esebímen jeńíp, aıqyn basymdylyq tanytty.
Paralımpıadashylardyń matchqa qatysuy — otandyq sportshylardyń jetístíkterín dárípteudíń, sondaı-aq qoǵamdaǵy bírlík pen ózara qūrmettíń aıqyn belgísí boldy.
Ís-shara sońynda «Taza Qazaqstan» jalpyūlttyq bastamasy ayasynda jankúıerler men eríktílerdíń qatysuymen ekologıyalyq aktsıya ūıymdastyrylyp, tazalyq mádenıetín qalyptastyru men qorshaǵan ortaǵa ūqypty qaraudyń mańyzdylyǵy nasıhattaldy.