Íshkí íster mınıstrlígí ókílí "Jol júrísí turaly" zańdaǵy ózgerísterge qatysty píkír bíldírdí, – dep habarlaıdy aqshamnews.kz tílshísí.
Vedomstvo ókílí júrgízushílerdíń medıtsınalyq tekserísten ótuíne qatysty qandaı ózgeríster engízílgenín túsíndírdí.
"Júrgízushílerdíń medıtsınalyq tekserísten ótuí jańa talap emes. Būl norma 2014 jyldan berí "Jol júrísí turaly" zańda kórsetílgen. Qazír Densaulyq saqtau mınıstrlígí men Íshkí íster mınıstrlígíníń aqparattyq júıelerí ózara bíríktíríldí. Sonyń arqasynda míndettí medıtsınalyq tekserísten ótkení turaly málímet ekí mınıstrlíktíń júıelerí arasynda avtomatty túrde beríledí", - dedí ÍÍM ákímshílík polıtsıya komıtetí tóraǵasynyń orynbasary Qūralaı Karına.
Ol 65 jastan asqan júrgízushíler ne bíluí kerek ekenín de aıtty.
"65 jastan asqan jáne múgedektígí bar júrgízushílerge tek ár ekí jyl saıyn medıtsınalyq tekserísten ótse jetkílíktí. Onyń nátıjesí avtomatty túrde júıege túsedí. Sondyqtan eshqandaı qosymsha anyqtama jınaudyń nemese memlekettík organdarǵa baryp júrudíń qajetí joq. Sondaı-aq, júrgízushí kuálígíníń merzímín ūzartu nemese būl turaly ÍÍM-ge jeke habarlau talap etílmeıdí. Azamattarǵa alańdauǵa esh negíz joq. Eshqandaı jańa talap nemese artyq qūjat engízílgen joq", - dedí ÍÍM ókílí.