2026 jyly 25 shíldeden bastap Almatyda №61, №218 jáne №238 avtobus baǵyttarynyń qozǵalys syzbasy ózgeredí. Būl sheshímdí qalalyq Jol qozǵalysy ūıymdastyru jáne jolaushylar kólígín ūıymdastyru basqarmasy Saın kóshesíníń Rysqūlov dańǵylynan Aqyn Sara kóshesíne deıíngí jańa uchaskesínde kólík qozǵalysynyń ashyluyna, sondaı-aq Rysqūlov dańǵylynan Mūstafın kóshesíne deıín qoǵamdyq kólíkke arnalǵan arnaıy jolaqtyń íske qosyluyna baılanysty qabyldady.
Ózgerís qoǵamdyq kólíktíń qozǵalys jyldamdyǵy men tūraqtylyǵyn arttyruǵa, sondaı-aq jańartylǵan kóshe-jol jelísín tıímdí paıdalanuǵa baǵyttalǵan.
25 shíldeden bastap marshruttar tómendegí syzba boıynsha qatynaıdy:
№218 marshrut
* Ońtústík baǵytta: Móńke bı kóshesí – Saın kóshesí – Abaı dańǵyly – Yassauı kóshesínen keıín kerí būrylu – Abaı dańǵyly – «B. Momyshūly metro beketí» sońǵy ayaldamasy.
* Kerí baǵytta: «B. Momyshūly metro beketí» – Abaı dańǵyly – Saın kóshesí – Móńke bı kóshesí – árí qaraı qoldanystaǵy syzba boıynsha.
№238 marshrut
* Ońtústík baǵytta: Saın kóshesí – Tóle bı kóshesí – «Avtostantsıya» sońǵy ayaldamasy.
* Kerí baǵytta: «Avtostantsıya» – Tóle bı kóshesí – Saın kóshesínen keıín kerí būrylu – Tóle bı kóshesí – Saın kóshesí – árí qaraı qoldanystaǵy syzba boıynsha.
№61 marshrut
* Ońtústík baǵytta: Abaı dańǵyly – Saın kóshesí – ál-Farabı dańǵyly – «Arman» avtostantsıyasy sońǵy ayaldamasy.
* Kerí baǵytta: «Arman» avtostantsıyasy – Jarokov kóshesíníń jolaıyryǵy – ál-Farabı dańǵyly – Saın kóshesí – Abaı dańǵyly – árí qaraı qoldanystaǵy syzba boıynsha.
Jolaushylardan saparyn josparlau kezínde engízílgen ózgerístí eskerudí sūraımyz. Jańartylǵan qozǵalys syzbalary turaly aqparat ayaldama punktterínde, sondaı-aq qalanyń aqparattyq qosymshalarynda jarıyalanady.