Búgín, 4 tamyz - qazaq halqy úshín qazaly kún. Ańyz adam, ǵaryshker, ūlt maqtanyshy Talǵat Amangeldíūly Mūsabaev 74 jasqa qaraǵan shaǵynda ómírden óttí. Ol – kók aspandy baǵyndyrǵan batyr ǵana emes, ǵylym men sayasatta, ūlt damuyna baǵyttalǵan ísterde ózíndík íz qaldyrǵan qaıratker tūlǵa. Ol turaly ne belgílí? Aqshamnews.kz tílshísíníń materıalynyna bílíńíz.
Ǵaryshty kóksegen keude
Talǵat Amangeldíūly - 1951 jyly 7 qańtarda Almaty oblysynyń Jambyl audanyna qarasty Qarǵaly auylynda dúnıege kelgen. Shapyrashty ruynan shyqqan. Injenerlík mamandyqty meńgergen ol alǵashqy eńbek jolyn 1974 jyly Būryndaı áue kásípornynda ınjener bolyp bastaǵan. Keıín ūshqysh bolyp qaıta dayarlyqtan ótíp, azamattyq avıatsıya salasynda qyzmet ettí. Aspan álemíne degen qyzyǵushylyǵy ony ǵaryshqa jeteledí.
Gınneske eńgen eńbek: úsh ret ǵaryshqa sapar
Ol 1991 jyldan bastap ǵaryshker retínde daıyndyqtan óttí. Mūsabaevtyń ǵaryshqa jasaǵan úsh sapary Qazaqstan men álem tarıhynda altyn áríppen jazyldy:
-
1994 jyly «Soyuz TM-19» kemesímen tūńǵysh ret ǵaryshqa ūshty. 126 kún boıy ǵaryshta jūmys ístedí.
-
1998 jyly «Soyuz TM-27» sapary barysynda 208 kún ǵaryshta boldy. Mūsabaev bír aıdyń íshínde 5 ret nebárí 30 saǵat 8 mınut ūzaqtyǵymen ashyq ǵaryshqa shyqqanny úshín Gınnestíń rekordtar kítabyna endí.
-
2001 jyly úshínshí ret «Soyuz TM-32» kemesímen 8 kúndík sapar jasady. Būl saparynda álemdegí alǵashqy ǵarysh turıstí Dennıs Tıto da onymen bírge bolǵan edí.
Talǵat Mūsabaev - sayasatker jáne menedjer
Ǵaryshkerlík qyzmetín ayaqtaǵan soń, Talǵat Mūsabaev Qazaqstannyń ǵarysh salasyn damytuǵa belsene kírístí:
-
2007–2016 jyldary Qazaqstannyń ūlttyq ǵarysh agenttígíníń tóraǵasy retínde jūmys ístedí.
-
Keıín Investıtsıyalar jáne damu mınıstrlígíne qarasty Aeroǵarysh komıtetín basqardy.
-
2017–2023 jyldary - QR Parlamentí Senatynyń deputaty boldy.
-
Sondaı-aq ol QR Prezıdentíníń keńesshísí qyzmetín de atqarǵan.
Ǵylym jolynan da alystamaı, tehnıka ǵylymdarynyń doktory atanyp, ūshqysh-ınjener, ǵarysh salasynda tereń zertteulermen aınalysty.
Otbasy men marapattary
Talǵat Mūsabaev - batyr ǵana emes, ónegelí otbasynyń tíregí bolǵan jan. Jūbaıy Vıktorıya Voldemarovna Mūsabaeva (Latsıs) - bílíktí stomatolog. Ūly Danıyar Talǵatūly Mūsabaev - Qazaqstan Íshkí íster mınıstrlígínde áskerı qyzmet atqarady. Qyzy Kámılá Talǵatqyzy Mūsabaeva - shyǵarmashylyq pen bílím jolyn tańdaǵan.
Onyń ǵaryshkerlík jáne memlekettík qyzmettegí eńbegí memleketaralyq deńgeıde joǵary baǵalandy:
Qazaqstan Respublıkasynan:
-
«Halyq qaharmany» ataǵy (1995)
-
«Qazaqstannyń ǵaryshker-ūshqyshy» ataǵy (1995)
-
«Otan» ordení (1998)
-
«Barys» 1-dárejelí ordení
-
«Astana» medalí (1999)
Reseı Federatsıyasynan:
-
«Drujba narodov» ordení (1991)
-
«Geroı Rossııskoı Federatsıı» ataǵy (1994)
-
«Lyotchık-kosmonavt RF» (1994)
-
«Za zaslugı pered Otechestvom» 3-dárejelí ordení (1998)
-
«Za zaslugı pered Otechestvom» 2-dárejelí ordení
Austrıya Respublıkasynan:
-
Austrıya Respublıkasynyń memlekettík ordení
AQSh-tan:
-
NASA-nyń «Ǵaryshqa ūshqan úshín» medalí (1998)
Talǵat Mūsabaevtyń ómír joly - bıík maqsatqa ūmtylǵan jannyń, tuǵan elíne adal qyzmet etken tūlǵanyń shynaıy beınesí. Būl marapattar - onyń halqy men álem aldyndaǵy eńbegíníń aıǵaǵy.
suretter: stuki-druki.com saıtynan alyndy