Búgín Almatyda jańa Konstıtutsıya jobasy boıynsha respublıkalyq referendum ótíp jatyr. Tańǵy saǵat 07:00-den bastap megapolıstegí barlyq dauys beru uchaskelerí ashylyp, tūrǵyndar óz tańdauyn jasau úshín dauys beruge kelíp jatyr. Refendum kúní qaladaǵa jaǵdaı men atmosfera qandaı? Tolyǵyraq aqshamnews.kz materıalynda.
Alǵashqy bolyp dauys bergenderge syılyqqa "Qazaqstan" shokolady ūsynyldy. Qalada jalpy 653 referendum uchaskesí ashyldy. Olar belgílengen tártípke sáıkes jūmys ístep jatyr.
Erte baryp dauys bergenderdíń bírí - 90 jastaǵy almatylyq zeınetker Elena Tegjanova.
Saǵat 11:00-de Almaty ákímí Darhan Satybaldy jańa Konstıtutsıya jobasy boıynsha ótkízílgen respublıkalyq referendumda dauys berdí.
Referendumǵa tūtas otbasymen, nemerelerín ertíp barǵandar da boldy.
Típtí kórshílerímen jınalyp kelgender de bar.
Úlkender dauys beríp jatqanda balalar syrtta kóńíl kóteríp júr.
Azamattyq paryzyn oryndauǵa asyqqandardyń qatarynda elge belgílí óner adamdary da boldy.
Ánshí Maqpal Júnísova qyzy - Mereımen bírge dauys beruge keldí.
Erekshe kıíníp el nazarynda qalǵandar da jeterlík.
Keıbír dauys beru uchaskelerínde názík jandy áıelder qauymyna gúl ūsynyldy.
