Jazdyń alǵashqy aptasy-aq myńdaǵan kórermenníń basyn qosqan bírneshe írí mádenı ís-sharamen este qaldy, – dep habarlaıdy aqshamnews.kz tílshísí.
Mausymnyń alǵashqy auqymdy oqıǵalarynyń bírí halyqaralyq «Sūńqar» shańǵy tramplınderí keshenínde ótken Beu Fest Almaty festıvalí boldy. Bıyl festıval ózíníń bes jyldyq mereıtoıyn atap óttí. Sahnada Ninety One, Qaırat Nūrtas, Shiza, Ulukmanapo, Mırbek Atabekov jáne basqa da tanymal ónerpazdar óner kórsettí.
Jazǵy mausymnyń jańa jobasy retínde «Alatau» dástúrlí óner teatry alańynda ashyq aspan astynda ótken ALMATY SUMMER FEST festıvalí ūıymdastyryldy. Būl bastama qala tūrǵyndaryna muzyka men túrlí ınteraktıvtí baǵdarlamalardy ūsyndy. Festıvaldíń ashylu saltanatynda Qaırat Nūrtas, Luına, Aıdana Medenova, ALFA toby, Ūlanǵasyr Qamı, Aman Ahmet, Arsenaleen, IGIGAI, Akbotiz jáne DJ Akhmetoff óner kórsettí.
Jańa jobanyń basty erekshelígí – onyń Almatynyń Alatau audanynda ótuí. Qalalyq mádenıet basqarmasynyń málímetínshe, būl alań audan tūrǵyndarynyń írí mádenı ís-sharalarǵa jaqyn mańda qatysuyna múmkíndík beríp, otbasylyq jáne jastar demalysynyń jańa ortalyǵyna aınalady. Jaz boıy ár senbí saıyn mūnda tanymal artıster men shyǵarmashylyq ūjymdardyń Open Air formatyndaǵy kontsertí ūıymdastyrylady.
Jazdyń jarqyn oqıǵalarynyń taǵy bírí – etnıkalyq jáne zamanauı muzykany toǵystyrǵan qalanyń eń írí muzykalyq festıvalderíníń bírí The Spirit of Tengri boldy. Keshtíń arnaıy qonaǵy retínde aty ańyzǵa aınalǵan Enigma jobasynyń vokalısí Andru Donalds óner kórsettí. Ashyq aspan astyndaǵy erekshe atmosferadaǵy kontsert jaz basyndaǵy eń este qalarlyq muzykalyq oqıǵalardyń bíríne aınaldy.
Alaıda Almatydaǵy festıvalder mausymy endí ǵana qarqyn alyp keledí. Jaqyn kúnderí qalada jyldyń eń kóp kútíletín halyqaralyq shoularynyń bírí ótedí. Ańyzǵa aınalǵan Cirque du Soleil Qazaqstanǵa ózíníń OVO qoıylymymen qaıta oralady. Kórermenderdí jándíkter álemíne sayahatqa jeteleıtín áserlí qoıylym, tańǵajaıyp akrobatıkalyq óner, jandy muzyka men erekshe kostyumder kútedí. Otbasylyq audıtorıyaǵa arnalǵan shou mausymnyń basty mádenı oqıǵalarynyń bíríne aınalmaq. Qoıylymdar «Almaty Arena» keshenínde ótedí.
Aıta keterlígí, búgínde Almatydaǵy írí mádenı ís-sharalar qalanyń ártúrlí audanynda ūıymdastyrylyp keledí. Būl festıvalder men kontsertterdíń qoljetímdílígín arttyryp qana qoımaı, jergílíktí ınfraqūrylymnyń damuyna jáne jańa qoǵamdyq keńístíkterdíń qalyptasuyna yqpal etedí. Sonymen qatar mazmūndy mádenı baǵdarlama megapolıstíń turıstík tartymdylyǵyn arttyryp, Qazaqstannyń ózge óńírlerí men shetelden keletín qonaqtardy qyzyqtyryp otyr.
Auqymdy festıvalderdí ótkízu «Taza Qazaqstan» jáne «Zań men tártíp» jalpyūlttyq bastamalarynyń maqsattaryna da saı keledí. Ís-sharalar barysynda aumaqtardy kórkeıtuge, qoǵamdyq oryndardyń tazalyǵyn saqtauǵa, ekologıyalyq mádenıettí qalyptastyruǵa, sondaı-aq qauípsízdík pen qoǵamdyq tártíptí qamtamasyz etuge erekshe kóńíl bólínedí. Būl tūrǵyndar men turıster úshín qolaıly qalalyq orta qalyptastyryp, Almatynyń zamanauı, qauípsíz árí qonaqjaı qala retíndegí bedelín nyǵaıta túsedí.
Osylaısha, Almaty óńírdíń mádenı astanasy mártebesín taǵy bír márte dáleldep, tūrǵyndar men qonaqtarǵa mazmūndy mádenı baǵdarlama ūsynyp, jaz mezgílín jarqyn áserlerdíń, ásem muzykanyń jáne auqymdy shoulardyń mausymyna aınaldyryp otyr.