Ǵylym jáne joǵary bílím mınıstrlígíníń Joǵary jáne joǵary oqu ornynan keıíngí bílím beru komıtetíníń tóraǵasy Gúljan Jarasova 2026 jylǵy 6 qańtarda Úkímettegí brıfıngte Bíryńǵaı ūlttyq testíleu (ŪBT) formatyna josparlanyp otyrǵan ózgeríster turaly aıtyp berdí, dep habarlaıdy aqshamnews.kz
Onyń aıtuynsha, qazírgí uaqytta ŪBT-ny jetíldíru máselesí pysyqtalyp jatyr.
"ŪBT – joǵary oqu oryndaryna túsuge arnalǵan emtıhandardyń bír túrí. Qazírgí kezde ŪBT bílímdí tekseruge baǵyttalǵan, sonymen qatar matematıka jáne akademıyalyq sauattylyq boıynsha analıtıkalyq oılau qabíletterí de baǵalanady. Qazírgí zamanda jasandy ıntellekt pen aqparattyq tehnologıyalar keńínen engízílíp, bílím alu tásílderí ózgeríp jatqandyqtan, mektep pánderínen bólek talapkerler túrlí derekkózderden qosymsha aqparat meńgeredí. Osy tūrǵyda bízge talapkerlerdíń qandaı analıtıkalyq jáne synı oılau daǵdylarymen keletínín anyqtau mańyzdy. Osy maqsatta ŪBT jetíldírílíp jatyr. Alaıda bıyl ŪBT formaty ózgermeıdí", – dep naqtylady Gúljan Jarasova.
Onyń sózínshe, kelesí jyldan bastap test tapsyrmalarynyń mazmūny talapkerlerdíń daǵdylaryn anyqtauǵa múmkíndík beretín halyqaralyq standarttalǵan testterge sáıkestendíríletín bolady.
"Būl talapkerlerge qosymsha júkteme túsírmeıdí. Kerísínshe, olardyń bílímdí qanshalyqty meńgergenín jáne alǵan bílímín aldaǵy oqu úderísínde qalaı qoldana alatynyn kórsetuge múmkíndík beredí. Sondyqtan eshqandaı qosymsha auyrtpalyq bolmaıdy", – dep sendírdí spıker.