Jasandy ıntellekt jáne sıfrlyq damý jónindegi birinshi vıse-mınıstr Rostıslav Konáshkın jeke qujattardy qaıta rásimdeýge arnalǵan jańa onlaın-qyzmet iske qosylatynyn málimdedi, dep habarlaıdy aqshamnews.kz
Ol buǵan deıin jeke kýálikti onlaın rejımde qaıta rásimdeý qyzmeti iske qosylǵanyn eske saldy.
"Bıyl bul qyzmetti basqa da sanattarǵa keńeıtýdi josparlap otyrmyz. Iaǵnı, qujatty joǵaltý jaǵdaıda qalpyna keltirý nemese jańadan rásimdeý múmkindigi qarastyrylady. Sonymen qatar, İshki ister mınıstrligimen birlesip, bıyl bul qyzmetti pasporttarǵa da qoldanýdy josparlap otyrmyz", – dedi Konáshkın.
Sondaı-aq ol bul jańashyldyqtyń ne sebepti birden engizilmegenin túsindirdi.
"Biz nege kezeń-kezeńimen engizip otyrmyz? Sebebi azamattar úshin bul prosestiń yńǵaıly, qaýipsiz jáne tıimdi ekenine kóz jetkizýimiz qajet. Sondyqtan aldymen pılottyq joba iske qosyldy, onyń aıasynda qyzmettiń bir túri engizildi. Bıyl aýqymyn keńeıtip, jyl sońyna deıin onlaın formatty qujattardyń basqa da túrlerine tolyqtaı engizemiz dep úmittenemiz", – dep tolyqtyrdy birinshi vıse-mınıstr.