Qazaqstandyq baspasóz hatshylary AQSh qūrylymdarynda bílíktílígín arttyrady. Būl jaıynda Aqparat jáne qoǵamdyq damu mınıstrí Darhan Qydyrálí qazaq tílínde kontent jasaushylardyń VI forumynda málím ettí, dep habarlaıdy Almaty-akshamy.kz. QazAqparatqa sílteme jasap.
«Kúní keshe ǵana mınıstrlíkte harassmentten qorǵau jónínde arnaıy būıryq shyǵardyq. Adam qūqyqtary, sóz bostandyǵy jáne basqa da máseleler jóníndegí qaǵıdattarymyz, zańnamamyz osylaı jetíle beredí», - dedí ol.
Mınıstr vedomstvo tarapynan medıasauatty arttyru baǵytynda da bírqatar sharalar qabyldanǵanyn aıtty.
«Būl úshín bíz jańa medıalar ashtyq. Qazírgí kezeńde kóptegen ádístemeler, semınarlar ótkízíle bastady. Tayauda ǵana AQSh Elshílígíníń qoldauymen baspasóz qyzmetí jónínde úlken jıyn, semınar óttí jáne kítaptyń tūsaukeserí boldy. Tayauda bíz taǵy da AQSh Elshílígíníń qoldauymen Qazaqstandaǵy baspasóz hatshylaryn AQSh-tyń beldí qūrylymdaryna aparyp, bílíktílígín arttyru kursyn jalǵastyrudy jón kóríp otyrmyz. Ol úshín taǵy da rahmet aıtamyn», - dedí Darhan Qydyrálí.