Ūlttyq júk áue tasymaldaushysy damytyluda, dep habarlaıdy aqshamnews.kz tílshísí.
Elímízde ūlttyq júk áue tasymaldaushysy – «Eır-Kargo» kompanıyasy qūryldy. Aldaǵy uaqytta onyń áue kemelerí parkín 10 ūshaqqa deıín ūlǵaıtu josparlanǵan. Joba elímízdíń tranzıttík áleuetín damytu jóníndegí Prezıdent tapsyrmalary ayasynda júzege asyryluda. Būl turaly Úkímette Prezıdent Joldauynda berílgen tapsyrmalar ayasynda ekonomıkanyń naqty sektoryn damytu máselelerí boıynsha ótken baspasóz konferentsıyasynda QR Premer-mınıstríníń bírínshí orynbasary Nūrlybek Nálíbaev málímdedí.
Alǵashqy áue kemesí 2026 jyldyń qarasha aıynda, al ekínshísí 2027 jyldyń nauryz aıynda jetkízíledí dep kútílude. Jalpy kompanıya 10 júk ūshaǵyn paıdalanudy josparlap otyr. Ūlttyq tasymaldaushy halyqaralyq júk áue tasymaly naryǵynda qyzmet kórsetedí.
Janarmaı qūyu keshenderí men júk termınaldary jańartylyp, olardyń avtomobıl jáne temírjol magıstraldarymen baılanysy qamtamasyz etílude.
Kólík salasyn tolyq tsıfrlandyru maqsatynda «E-Kólík» bíryńǵaı zıyatkerlík platformasynyń negízínde aqparattyq júıeler ıntegratsıyalanuda. Atalǵan platforma arqyly qaǵazsyz qūjat aınalymyna tolyq kóshu, tasymaldau qūjattaryn resímdeu merzímderín qysqartu jáne júk aǵyndarynyń ashyqtyǵyn arttyru qamtamasyz etíledí.