Qazaqstanda júrgízílgen geologıyalyq barlau jūmystary nátıjesínde altyn qory shamamen 98 tonnaǵa kóbeıdí, - dep habarlaıdy Aqshamnews.kz tílshísí. Būl turaly QR Industrıya jáne qūrylys vıtse-mınıstrí Iran Sharhan Úkímet otyrysynda málímdedí.
Onyń aıtuynsha, elímízde búgínde 103 túrlí paıdaly qazba men 10 myńǵa juyq ken orny memlekettík esepte tūr. Qazír qatty paıdaly qazbalar boıynsha 2 907 lıtsenzıya jáne 251 kelísímshart qoldanysta. Bıyldyń ózínde barlau úshín 707, óndíru úshín 22 lıtsenzıya berílgen.
Vıtse-mınıstr alǵash ret esepke alynǵan bes jańa ken ornyn atady:
– Kók-Jon (Bolattóbe uchaskesí),
– Altyn-Shoko,
– Samombet,
– Studentskıı,
– Taqyr-Qaljyr.
Barlau nátıjesínde 36 myń tonna mys, 11 mln tonna marganets, 1,3 mln tonnadan astam fosforıt qory da ósíp otyrǵany atap ótíldí.
Iran Sharhannyń aıtuynsha, būl kórsetkíshter geologıyalyq zertteulerdíń tıímdílígín jáne Qazaqstanda jer qoınauyn paıdalanuǵa degen qyzyǵushylyqtyń arta túskenín dáleldeıdí.