QazAvtoJol» ūlttyq kompanıyasy eldegí joldardyń qazírgí ahualy turaly habarlady.
Ūlttyq kompanıyanyń málímetínshe, 2025 jylǵy 8 qańtar saǵat 08:00-degí jaǵdaı boıynsha Shyǵys Qazaqstan oblysynda respublıkalyq mańyzy bar «Óskemen – Rıdder – RF shekarasy» avtojolynyń 15-105-shaqyrym aralyǵynda (Belousovka kentí – Rıdder qalasy uchaskesí) avtokólíktíń barlyq túrí úshín qozǵalys ashyldy.
Sondaı-aq Aqmola oblysynda respublıkalyq mańyzy bar «KAZ02 Astana – Kókshetau (aınalma jol) – Petropavl – RF shekarasy (Jańa Jol ótkízu beketí)» avtojolynyń 18-232-shaqyrym aralyǵynda barlyq kólík túrí úshín jyldamdyq shekteuí 90 shaq/saǵ-tan 110 shaq/saǵ-qa ózgertíldí.
Jabyq joldar
Shyǵys Qazaqstan oblysynda tírkemesí bar jáne jartylaı tírkemelí júk kólíkteríníń qozǵalysy Osınov asuynda uaqytsha shekteldí. Shekteu «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe auyly – Serebryansk qalasy) uchaskesínde qys ayaqtalǵansha saqtalady.
Sonymen bírge «Astana – Shídertí – Pavlodar – Uspenka – RF shekarasy» avtojolyndaǵy jolaıryqtyń kópír qūrylymynyń shetkí arqalyqtary zaqymdanuyna baılanysty «Qalqaman» jolaıryǵy uchaskesí jabyldy. Atap aıtqanda, Qalqaman kentíne kíreberís pen Astana baǵytyna shyǵatyn jol uaqytsha jabyq.