Ádístemelík qūraldyń avtorlary – Almaty qalasyndaǵy №122 orta mektebíníń tarıh páníníń mūǵalímderí Dáulet Esenov pen Ayaulym Tílepbergenova.
Jas ūstazdardyń avtorlyǵymen jaryq kórgen «Dúnıejúzí tarıhy» pánínen 5-11 synyp oqushylaryna arnalǵan oqu-ádístemelík qūral mūǵalímder men oqushylarǵa ŪBT-ǵa daıyndyqqa arnalǵandyǵymen erekshelenedí, dep habarlaıdy Almaty-akshamy.kz
Būl turaly redaktsıyamyzǵa habarlaǵan Almaty qalasyndaǵy №13 mektep-gımnazıyasynyń tarıh páníníń mūǵalímí Saıdnasımov Qaırattyń aıtuynsha, oqu qūralynda tarıhı oqıǵalar men onyń mazmūnyna baǵa beruge negízdelgen, oqushylardyń tanymdyq qabíletterín arttyratyn testtík sūraqtar keńínen qarastyrylǵan.
Oqushylardyń bílímín jetíldírude hronologıyalyq datalar men termınder, tarıhı geografıyalyq ataular da qamtylǵan. Ár taqyryp mazmūny boıynsha ŪBT konteksterí jazylǵan. Taqyrypty tolyq meńgeruge, mańyzdy oqıǵalardy nūsqaumen ízdestíre otyryp, oqıǵanyń naqty jauabyn tabuǵa baǵyttalǵan dıdaktıkalyq oqu qūralynyń taǵy bír erekshelígí oqushy – ár taqyrypshadan keıín QR-kodtyń kómegímen intellectx.kz saıtyna kíru arqyly ashyq jáne jabyq tapsyrmalardy oryndap, taqyrypty qanshalyqty meńgergenín teksere alady. Pedagogıkadaǵy eldík múdde jolynda jazylǵan qajyrly eńbek qashan da el ıgílígíne qyzmet etedí.
«Uaqyttyń talabyna saı jańartylǵan bílím beru baǵdarlamasy boıynsha jazylǵan kómekshí oqu qūralyn ázírlegen avtorlarǵa Almaty qalasynyń tarıhshylary úlken rızashylyqtaryn bíldírude.Bíz óz tarapymyzdan avtorlarǵa rahmet aıtyp, aldaǵy uaqytta da bízdí óz eńbekterímen quanta beruíne tílektespíz. Oqushylardyń maqsatyna jetuíne kómektesu jolyndaǵy ıgílíktí ístíń quanyshy ūzaǵynan súıíndírsín», - dedí tarıhshy-ūstaz Saıdnasımov Qaırat.