Būl turaly Almaty qalasy Dín ísterí jóníndegí basqarmanyń teolog-ǵalym Gúlnar Jaqanqyzy aıtyp berdí, dep habarlaıdy aqshamnews.kz.
«Olar adamdardar arasyna írtkí salady, basqa dín ūstanushylarǵa jekkórushílík sezímmen qaraıdy, shydamsyzdyq tanytady. Intellektualızmge qarsy tūrady. Tek óz degenderín ǵana dūrys kóríp, sol jolda kez kelgen qatígezdíkke bara alady. Adam óltíruden esh taıynbaıdy. Ózgení de, ózín de ólímge qıya alady. Sektalyqty damytady. Sektaǵa kírgen adam ózíníń bılígínen, ózínshe oılaudan aırylady, otbasynan, jaqyndardan oqshaulanady. Qoǵamnan alystaıdy»,- dedí teolog.
Onyń aıtuynsha, adamnyń dínı ekstremıstík aǵymǵa bet būrǵanynyn mynadaı belgílerden bíluge bolady:
- qalypty qarym-qatynasy būzylady;
- kúndelíktí ómír súru qalpynan bas tartady;
- kózqarasy basqa jaqqa ózgeredí;
- oquǵa, jūmysqa qūlqy bolmaıdy;
- negízgí uaqytyn dínı kítaptar oquǵa, shamadan tys qūlshylyq jasauǵa jūmsaıdy;
- kıímge, taǵamǵa kózqarasy ózgeredí;
- kúndelíktí aınalysatyn sharualarynda ózgerís paıda bolady;
- būrynǵy dostarymen, tuystarymen qarym-qatynasty úzedí;
- jańa qońyraular, kezdesuler, saparlar paıda bolady;
- kúmándí kózderden keletín aqsha-qarajaty kóbeıedí.
«Būl aıtyp otyrǵan tūjyrym kóptegen zertteuler negízínde jasalǵan. QR Bas prokuraturasyndaǵy estremızm men terrrorızmge baılanysty qaralǵan qylmystardyń nátıjesínde dínı ekstremıstíń portretín bíz osylaısha beríp otyrmyz», -dep qorytyndylady Gúlnar Jaqanqyzy.