Dımash turaly derektí fılmníń treılerí ánshíníń YouTube-tegí arnasynda jáne Instagram-daǵy paraqshasynda jarıyalandy, – dep habarlaıdy aqshamnews.kz tílshísí.
"Madison Square Garden-degí bír tún. Áuen aldyndaǵy tynyshtyq. Kóptegen jyldar boıy qıly joldy júríp ótíp, aqyry jetken sát: repetıtsıyalyq zaldardan bastap álemdegí eń tanymal sahnalardyń bíríne deıín. 2025 jylǵy 5 qazanda Dımash Qūdaıbergen Qazaqstan men TMD elderíníń tarıhynda aty ańyzǵa aınalǵan Madison Square Garden arenasynda jeke kontsert bergen alǵashqy ártís boldy. Būl tarıhı kontsert Stranger Tour ayasynda óttí", delíngen treılerdíń sıpattamasynda.
Derektí fılmde kontsertke daıyndyq, sahna syrtyndaǵy sátter, armanǵa aparatyn jol, sondaı-aq Dımashtyń otbasymen, komandasymen, muzykanttarymen jáne kórermenderímen bírge bastan ótkergen emotsıyalary men energıyasy kórsetíledí.
"Fılmníń rejısserí - Tıma Rahım. Jaqynda", delíngen sıpattamada.
Jer sharynyń túkpír-túkpíríndegí Dımashtyń jankúıerlerí derektí fılmníń shyǵuyn asyǵa kútetínderín, qazaqstandyqtyń Nyu-Iorktegí Madison Square Garden-degí tarıhı kontsertínen tys kadrlardy kóruge qūshtar ekendíkterín atap ótude.