Endí elímízdegí árbír toı baqylauǵa alynuy múmkín. Yaǵnı, asabalar adam ūyalatyn oıyndar oınatyp, orynsyz ázíl aıtqany úshín aıyppūl arqalauy ǵajap emes. Májílís deputattary toıda ūlttyń abyroıy men qadírín túsíretín kórínísterge zańmen tyıym saludy kózdep otyr, - dep habarlaıdy aqshamnews.kz tílshísí Informbyuro 31-ge sílteme jasap.
"Zańnamalyq tūrǵyda būǵan bír tyıym normalary boluy kerek dep esepteımín. Sosyn myna Aqparat jáne mádenıet mınıstrlígínde osynyń barlyǵyna analız jasap otyratyn olarda múmkíndík boluy kerek. Neshe túrlí kórínísterdíń barlyǵyn analız jasap, olarǵa jaza qoldanudyń ózí ádílettí bolady dep oılaımyn. Aıyppūl salyna ma osy sekíldí jazanyń túrlerí boluy kerek", - dedí Májílís deputaty Amanjol Áltaı.
Búgíngíníń toıynda sarqyt ūrlaǵan, jalańash jorǵalaǵan, shapalaq sūraǵan asabalarǵa típtí tań qalmaıtyn boldyq. Talaı toıdy basqaryp júrgen Sanat Nūrbaı toı ıelerí kóbíne osyndaı oıyndardyń kóp bolǵanyn talap etedí deıdí. Yaǵnı, qazírgí sūranys osyndaı eken.
"Toı ıesí osyndı talap qoıǵannan keıín, ol aqshasyn tólegennen keıín oǵan míndetteıdí. Sodan keıín asabalar ne ísteıdí. Kóńíldí bolu úshín toıdyń ıesí sondaı talap qoıǵannan keıín, toıǵa kelgen qonaqtar "bízdí oınat kóńílímízdí kóter, bíz asqa kelgen joqpyz" toı ıesí halyqtyń kóńílínen shyǵu úshín asabalar álgíndeı oıyndarǵa barady. Būl jerde asabalardy kínálaı berudíń qajetí joq. Būl jerde sūranysqa ūsynys bolyp tūr", - dedí asaba Sanat Nūrbaı.
