Almaty tehnologıya jáne florıstıka kolledjíníń Inklyuzıvtí bílím beru resurstyq ortalyǵy erekshe shara ūıymdastyrdy. Halyqaralyq sańyraular kúníne arnalǵan III Respublıkalyq ınklyuzıvtí «DEAF MADE» festıvalí óttí. Sharanyń shyraıy da, shynaıylyǵy da bólek - tynyshtyqqa úırengen júrekterdíń óz ónerín ózgeshe ádíspen jetkízuí kórermendí qaıran qaldyrmaı qoımady.
2025 jyldyń Qazaqstanda Jūmysshy mamandyqtar jyly dep jarıyalanuy būl festıvaldíń mánín odan saıyn arttyrdy. Sebebí shara tek shyǵarmashylyq emes, tehnıkalyq jáne jūmysshy mamandyqtardy meńgeríp júrgen estu qabíletí būzylǵan jastardyń áleuetín tanytatyn alańǵa aınaldy. Mūnda olardyń ónerí ǵana emes, eńbekke degen yntasy, mamandyqqa degen talpynysy da aıqyn kóríndí. Festıvalge elímízdíń túrlí óńíríndegí tehnıkalyq jáne kásíptík bílím beru ūıymdarynan kelgen studentter jınaldy. Úsh jyl qatarynan ótkízílíp kele jatqan būl mádenı shara bír jaǵynan - óner dodasy, ekínshí jaǵynan - ınklyuzıyanyń naqty kórínísí. Kedergísíz orta, teń múmkíndík, shyǵarmashylyq erkíndík — festıvaldíń basty qaǵıdattary.
Festıvaldíń alǵashqy bólímí -«Bízdíń brend» ózín-ózí tanystyruy.Ekínshí bólím halyq bıí.
Úshínshí bólím Ym-ısharamen án aıtu kezeńí boldy.Būl - festıvaldíń eń áserlí sátteríníń bírí boldy. Ár qımyl, ár ıshara — sózdíń ornyna júretín emotsıya. Festıvaldíń sońǵy bólímí — «Zamanauı etno-stıl» moda teatry.
NŪRYMBETOV Anarbek Qaldarūly, Almaty tehnologıya jáne florıstıka kolledjíníń dırektory:
– Búgín bíz estu múmkíndígí shekteulí jandardyń boıyndaǵy erekshe talantty, sheksíz shyǵarmashylyqty jáne jígerlí mínezdí kópshílíkke keńínen kórsetu úshín bas qosyp otyrmyz. Inklyuzıvtí orta qalyptastyru – qoǵamnyń damuynyń basty kórsetkíshteríníń bírí. Sol sebeptí mūndaı sharalar ár adamnyń qabíletí men múmkíndígíne jol ashyp, óz ornyn tabuyna múmkíndík beredí. Árbír óner kórsetu, árbír ūsynylǵan ıdeya – qarapaıym sahnalyq nómír emes. Būl – adamnyń íshkí múmkíndígíníń moldyǵyn, onyń qolynan kelmeıtín ís joq ekenín dáleldeıtín shaǵyn jeńís. Bízdíń kolledj úshín būl festıval erekshe mańyzǵa ıe. Sebebí mūnda tek talant emes, eń aldymen qaısarlyq, tózímdílík, óz-ózín damytuǵa degen talpynys kórínedí. Osyndaı ís-sharalar arqyly qoǵamǵa ınklyuzıvtík mádenıettíń qandaı mańyzdy ekenín taǵy bír ret kórsetu múmkíndígí tuady.