Qazaq opera óneríníń kórnektí ókílí, Qazaqstannyń Halyq artısí Ermek Serkebaevtyń 100 jyldyǵyna arnalǵan kórme ótedí, – dep habarlaıdy aqshamnews.kz tílshísí.
2026 jyly 4 qyrkúıek kúní saǵat 11:00-de Almaty muzeıínde Qala kúníne oraı qazaq opera óneríníń tarıhynda óshpes íz qaldyrǵan kórnektí ánshí, qaıtalanbas dauys ıesí, Qazaqstannyń Halyq artısí, Sotsıalıstík Eńbek Erí, KSRO jáne Qazaq KSR Memlekettík syılyqtarynyń laureaty, qoǵam qaıratkerí Ermek Serkebaevtíń 100 jyldyǵyna arnalǵan «Ermek Serkebaev: Dáuírdíń dara tūlǵasy» atty kórmeníń saltanatty ashyluy ótedí.
Kórme Almaty qalasy ákímdígíníń qoldauymen, Almaty muzeıíníń ūıymdastyruymen ótkízíledí. Ekspozıtsıyada Almaty muzeıíníń qorynan íríktelgen bíregeı jádígerler kópshílík nazaryna ūsynylady. Kórme tórínen tūlǵanyń shyǵarmashylyq jáne ómír jolynan syr shertetín jeke zattary, sahnalyq kostyumderí, sırek fotosuretterí, kontserttík afıshalary men muzykalyq aspaptary oryn alady. Ár jádíger – óner ıesíníń dara bolmysyn, sahnadaǵy qaıtalanbas beınesín jáne ūlttyq ónerge síńírgen ólsheusíz eńbegín aıshyqtaıtyn qūndy mūra.
Kórmeníń maqsaty – óner ıesíníń ómírí men shyǵarmashylyq jolynan syr shertetín bíregeı muzeı jádígerlerí arqyly kelushílerdíń qazaq muzykasy men opera óneríníń qalyptasuy men damu kezeńderí turaly tanymyn keńeıtíp, ūlttyq ónerge degen qyzyǵushylyǵyn arttyru.