Almaty ákímdígínde qala ákímí Darhan Satybaldynyń tóraǵalyǵymen «Taza Qazaqstan» ekologıyalyq baǵdarlamasyn júzege asyru máselelerí boıynsha keńes óttí, dep habarlaıdy aqshamnews.kz
Onda qalanyń sanıtarlyq jaǵdaıy, jalpy qalalyq senbílíkke daıyndyq jáne ekologıyalyq aılyqty ótkízu barysy talqylandy.
Qalalyq ekologıya jáne qorshaǵan orta basqarmasy habarlaǵandaı, 11 qazan men 11 qarasha aralyǵynda tazalyq, abattandyru jáne ekologıyalyq mádenıettí arttyru baǵytynda 19 ís-sharany qamtıtyn jospar bekítíldí.
Aılyq ayasynda «Jasyl mektep» jáne «Jasyl aula» aktsıyalary, kóshení, aryq jelísín, ayaldama men júrgínshíler ótkelín sanıtarlyq tazalau, sondaı-aq ekomádenıetke arnalǵan ınteraktıvtí sabaqtar ótkízíledí.
11 qazanda Almatynyń barlyq audandarynda jalpy qalalyq senbílík ūıymdastyrylady. Oǵan 5 myńnan astam adam qatysady dep josparlanǵan. Qala boıynsha 23 mekenjaıda aumaqtardy tazalau, aǵash pen būta otyrǵyzu jáne mádenı-tanymdyq ís-sharalar ótedí.
Senbílík ótetín oryndardyń qatarynda: Boraldaı ózení boıyndaǵy skver (Alatau audany), Abylaı han dańǵyly (Almaly audany), Seıfullın dańǵyly men Jansúgírov kóshesíníń qıylysy (Jetísu audany), «Dostyq» sayabaǵy (Bostandyq audany), Esentaı ózení (Medeu audany), «Tastybūlaq» skverí (Nauryzbaı audany), «Jas qanat» shaǵynaudany (Túrksíb audany) bar.
Būdan bólek, qyrkúıek aıynyń sońynan berí 100 myń būta otyrǵyzu jūmysy júrgízílude. Qazírgí uaqytta 10,5 myńnan astam ósímdík egílíp, 15 myń otyrǵyzu shūńqyry daıyndaldy. Jūmys segíz audannyń 13 uchaskesín qamtıdy.
Keńes barysynda jeke sektorlarmen yntymaqtastyqtyń jańa baǵyttary tanystyryldy. Fabriqa jobasy ayasynda toqyma qaldyǵyn jınauǵa arnalǵan 32 konteıner ornatylyp, táulígíne 1,5 tonnadan astam mata qaldyǵy shyǵarylady. Sonymen qatar «Baqytty otbasy» áleumettík ortalyǵymen bírlesíp, áıelderdí jūmyspen qamtu jáne qaıta óńdelgen materıaldardan óním jasau baǵdarlamasy íske asyrylyp jatyr.
Eco Network ekohabynyń jetekshísí Evgenıı Mūhamedjanovtyń aıtuynsha, Almatyda qaldyqty bólek jınau ınfraqūrylymy damyp keledí. Qazírdíń ózínde 560 tonnadan astam materıal qaıta óńdeuge jíberílgen. Qalada 70 fandomat ornatylyp, olar arqyly 176 myń plastık bótelke men 45 myń alyumınıı qalbyr jınalǵan.
Keńes qorytyndysynda Darhan Satybaldy ekologıyalyq aılyq sheńberíndegí barlyq ís-sharalardyń sapaly ótuín qamtamasyz etudí tapsyrdy. Ásírese qoǵamdyq keńístíkterdíń, aryq jelíleríníń jáne aulalardyń sanıtarlyq jaǵdaıyna erekshe nazar audaru qajettígín atap óttí.
Qala ákímí atap ótkendeı, «Taza Qazaqstan» baǵdarlamasy – tazalyq mádenıetín qalyptastyruǵa jáne qorshaǵan ortaǵa jauapkershílíkpen qarauǵa baǵyttalǵan mańyzdy bastama.