Almatyda «Taza Qazaqstan» respublıkalyq ekologıyalyq baǵdarlamasy ayasynda jalpyqalalyq senbílík óttí. Ís-sharaǵa qala ákímí Darhan Satybaldy, memlekettík organdardyń ókílderí, kommunaldyq qyzmetter, bıznes qauymdastyǵy, qoǵamdyq jáne jastar ūıymdary, sondaı-aq qala tūrǵyndary qatysty, – dep habarlaıdy aqshamnews.kz tílshísí.
Ís-sharanyń negízgí ortalyǵy Túrksíb audanyndaǵy Baum toǵaıy boldy. Mūnda sanıtarlyq tazalau men kógaldandyru jūmystary júrgízíldí. Jalpy aktsıyaǵa 55 myńnan astam adam qatysyp, 2 myńǵa juyq arnaıy tehnıka jūmyldyryldy. Sonyń nátıjesínde shamamen 5 myń tekshe metr qoqys jınalyp, 700 aǵash, 10 myń būta jáne 5 myń raushan gúlí egíldí.
Qazaqstan Respublıkasynyń Prezıdentí Qasym-Jomart Toqaevtyń qatysqan ís-sharaǵa Almaty ákímí telekópír formatynda onlaın qosyldy. Onda «Taza Qazaqstan» qozǵalysy ayasyndaǵy ekologıyalyq bastamalar talqylandy. Memleket basshysy būl jobanyń ekologıyalyq mádenıettí qalyptastyruǵa jáne azamattyq jauapkershílíktí arttyruǵa baǵyttalǵanyn aıtty. Sondaı-aq, jalpyqalalyq senbílíkter ótkízu men kógaldandyru jūmystaryna erekshe mán beríldí.
Qalany kórkeıtu jáne sanıtarlyq tazalau jūmystary barlyq audanda júrgízílíp, jaǵalaular, skverler, aula aumaqtary jáne qoǵamdyq keńístíkter qamtyldy. Atap aıtqanda, Saıran kólí, Esentaı ózeníníń jaǵalauy, júrgínshíler aımaqtary jáne ózge de nysandar tazartyldy.
Sondaı-aq, senbílík kezínde trotuarlar arnaıy juǵysh qūraldarmen juyldy.
Jūmystar kezeń-kezeńímen júrgízílíp jatyr. Aldymen arnaıy tehnıka trotuarlarǵa su men juǵysh erítíndí shashyp, jınalǵan kír men qaldyq jūmsartylady. Odan keıín jol salasy jūmysshylary plıtalyq jabyndyny shchetkalar arqyly mehanıkalyq tásílmen tazartady. Sońǵy kezeńde qaldyqtardy tolyq joyu úshín taza sumen qaıta juylady.
Auqymdy juu jūmystary qalanyń 23 aumaǵynda ūıymdastyrylyp, oǵan 48 bírlík arnaıy tehnıka men 480 jol jūmysshysy tartylǵan. Tazalau jūmystary júrgínshíler sany kóp negízgí kóshelerdí qamtıdy. Atap aıtqanda, Abaı, Raıymbek, Nazarbaev dańǵyldary, sondaı-aq Panfılov, Sátbaev, Gogol kóshelerí jáne basqa da aumaqtarda qolǵa alynǵan.
Jyl basynan berí Almatyda shamamen 80 myń adam qatysqan tórt jalpyqalalyq senbílík ótkízíldí. «Móldír būlaq» aktsıyasy ayasynda ózen arnalary men aryq júıelerí tazartylyp, 10 myń tekshe metrden astam qoqys shyǵaryldy.
Darhan Satybaldy tazalyq jūmystary tūrǵyndar men kommunaldyq qyzmettíń bírlesuímen júıelí túrde júrgízílíp jatqanyn jáne qala tūrǵyndarynyń qoldauyna ıe bolǵanyn jetkízdí. Sonymen qatar, qalany kógaldandyru jūmystary jalǵasyp keledí. Bıyl 550 myńnan astam aǵash pen būta egu, sondaı-aq qoǵamdyq keńístíkterdí odan árí kórkeıtu josparlanǵan.
Júrgízílíp jatqan ís-sharalar qalalyq aumaqtardyń sanıtarlyq ahualyn jaqsartuǵa, kóshelerdíń kelbetín kórkeıtuge jáne Almaty tūrǵyndary men qonaqtary úshín jaıly qalalyq orta qalyptastyruǵa baǵyttalǵan.