Almatyda qaldyq óńdep, elektr quatyn óndíretín zauyt salu jobasy qūrylys-montaj jūmystaryna daıyndyqtyń sońǵy kezeńíne jettí, – dep habarlaıdy aqshamnews.kz tílshísí.
Joba Alatau audanynda qytaılyq Junxin Environmental Protection kompanıyasynyń qatysuymen qolǵa alynǵan. Investıtsıya kólemí 280 mln AQSh dollarynan asady (shamamen 130 mlrd teńge).
Kásíporynnyń quaty táulígíne 2 myń tonnaǵa deıín qaldyq óńdeuge jetedí, qalanyń energetıkalyq júıesíne 60 MVt-qa deıín elektr quatyn óndíredí.
Qazírgí kezeńde daıyndyq jūmystary ayaqtaldy: Qazaqstan Respublıkasy Ekologıya jáne tabıǵı resurstar mınıstrlígímen ınvestıtsıyalyq kelísím jasalyp, qaldyq jetkízu jáne óndíríletín elektr quatyn energojúıege beru boıynsha negízgí kelísímder bekítíldí.
Joba halyqaralyq ekologıyalyq standarttarǵa sáıkes keletín zamanauı avtomattandyrylǵan gaztazartu júıelerímen jabdyqtaudy kózdeıdí.
Qūrylys kezeńínde shamamen 700 jūmys orny ashylady, al nysan paıdalanuǵa berílgennen keıín 120-ǵa juyq tūraqty jūmys orny qūrylmaq.
Atalǵan jobany júzege asyru polıgondarǵa túsetín júktemení azaıtyp, qaldyq kólemín qysqartuǵa jáne olardy qaıta óńdeu arqyly qosymsha elektr quatyn óndíruge múmkíndík beredí.
Eske sala keteıík, 2025 jyly 29 tamyzda Qazaqstan Respublıkasy Ekologıya jáne tabıǵı resurstar mınıstrlígí men Junxin Environmental Protection kompanıyasy arasynda Almaty qalasynda elektr quatyn óndíretín qoqys óńdeu zauytyn salu jóníndegí ınvestıtsıyalyq kelísímge qol qoıylǵan bolatyn. Atalǵan kompanıya «jasyl» energetıka jáne qaldyq óńdeu salasyndaǵy írí operatorlardyń bírí sanalady, 455 patentke ıe jáne osy baǵyttaǵy jobalardy júzege asyruda mol tájírıbesí bar.