Almaty qalasynyń ákímí Darhan Satybaldy qalalyq basqaru júıesínde jáne megapolıstíń tírshílígín qamtamasyz etetín negízgí salalarda tsıfrlandyrudy damytu jáne jasandy ıntellekt tehnologıyalaryn engízu máselelerí boıynsha keńes ótkízdí.
Darhan Satybaldynyń aıtuynsha, talqylanǵan bastamalar Memleket basshysy jarıyalaǵan Tsıfrlandyru jáne jasandy ıntellekttí damytu jyly ayasynda júzege asyrylady jáne qalanyń árí tūrǵyndardyń naqty qajettílígíne baǵyttalǵan qoldanbaly sıpatta boluǵa tıís.
Keńes barysynda Almatynyń tsıfrlyq transformatsıyasynyń basym baǵyttary qaraldy. Olardyń qatarynda tūrǵyndar úshín elektrondyq servısterdí damytu, ákímdíktíń íshkí úderísterín tsıfrlandyru, kólík, tūrǵyn úı-kommunaldyq sharuashylyq, ekologıya jáne qoǵamdyq qauípsízdík salalaryna, sondaı-aq bílím beru men densaulyq saqtau júıesíne zıyatkerlík sheshímderdí engízu máselelerí bar.
Almaty ákímí tsıfrlandyru qalalyq qyzmetterdíń sapasyn arttyruǵa, basqarushylyq sheshímderdíń ashyqtyǵyn qamtamasyz etuge jáne tūrǵyndar úshín qolaılylyqty kúsheıtuge tíkeleı áser etuge tıís ekenín atap óttí. Sondaı-aq derektermen júıelí jūmys júrgízu men tsıfrlyq sheshímderdí belsendí engízu osy maqsattarǵa qol jetkízudíń negízgí sharttary ekení aıtyldy.
Keńes qorytyndysy boıynsha Darhan Satybaldy 2026–2030 jyldarǵa arnalǵan Smart City strategıyasy men tsıfrlyq transformatsıya jol kartasynda kózdelgen ís-sharalardyń uaqtyly íske asyryluyn qamtamasyz etudí, elektrondyq servıster men azamattardyń ótíníshterín óńdeu júıesíne jasandy ıntellekt sheshímderín engízudí jedeldetudí, sondaı-aq basty salalardaǵy tsıfrlyq jobalardy íske asyru kezínde qalalyq qyzmetter arasyndaǵy úılestírudí kúsheıtudí tapsyrdy.