«Dara» Prezıdenttik bastamalar qory Qamqorshylyq keńesiniń sheshimimen Qordyń prezıdenti qyzmetine Álıa Adambaeva taǵaıyndaldy.
Álıa Adambaeva medıa salasynda, sondaı-aq memlekettik jáne qarjy sektorlarynda 25 jyldan astam kásibı tájirıbege ıe maman.
Ár jyldary ol birqatar basshylyq laýazymdardy atqardy, sonyń ishinde «Almaty qalasyn damytý ortalyǵy» AQ Basqarma tóraǵasynyń orynbasary jáne Basqarma múshesi, Qazaqstan Respýblıkasy Ulttyq Banki baspasóz qyzmetiniń Aqparat jáne komýnıkasıalar departamentiniń dırektory, «Ortalyq komýnıkasıalar qyzmeti» RMM dırektorynyń orynbasary, sondaı-aq Almaty qalasy ákiminiń keńesshisi boldy. Buǵan deıin Qazaqstannyń jetekshi iskerlik jáne qoǵamdyq-saıası buqaralyq aqparat quraldarynda basshylyq jáne redaktorlyq qyzmetter atqarǵan.
«Jýrnalısıka» mamandyǵy boıynsha joǵary bilimi bar, ekonomıka jáne bıznes magıstri, sondaı-aq MBA jáne Executive MBA dárejelerine ıe.