Ūlttyq bílíktílík júıesíníń Career Enbek tsıfrlyq platformasynda Tsıfrlyq daǵdylar bankí qoljetímdí.
Ol qazírgí eńbek naryǵynyń naqty qajettílíkterín kórsetetín 12 myńnan astam ózektí kásíbı jáne ámbebap daǵdylardy qamtıdy, - dep habarlaıdy aqshamnews.kz.
TsDB-degí barlyq daǵdylar taqyryptyq toptar boıynsha júıelengen, būl yńǵaıly navıgatsıyany qamtamasyz etíp, olardyń qoldanylu salalaryn jedel aıqyndauǵa múmkíndík beredí. Árbír daǵdy egjeı-tegjeılí sıpattamamen jáne onyń sūranysqa ıe bolatyn kásíbı toptarynyń tízímímen tolyqtyrylǵan.
Platformanyń ınterfeısí qūrylymdalǵan aqparatqa qol jetkízudí qamtamasyz etíp, paıdalanushylarǵa kásíbı míndetteríne sáıkes derekterdí ízdeuge jáne salystyruǵa múmkíndík beredí.
TsDB halyqaralyq ESCO júıesí (daǵdylardyń, qūzyretterdíń, bílíktílíkter men kásípterdíń europalyq jíktemesí) negízínde ázírlengen jáne kásíbı standarttardy ázírleu, bílím beru baǵdarlamalaryn jańartu, sondaı-aq kadr sayasatyn josparlau kezínde qoldanylatyn Ūlttyq bílíktílík júıesíníń negízgí qūraldarynyń bírí bolyp tabylady. Ol kásíbı standarttar men bílím beru baǵdarlamalaryn ázírleushílerge, jūmys berushílerdíń ókílderíne, kadr dayarlau salasyndaǵy sarapshylarǵa baǵyttalǵan keń kásíbı qauymdastyqqa arnalǵan.
Kadr qyzmetterí men HR-bólímder úshín būl resurs ózektí daǵdylar turaly derekter negízínde zamanauı lauazymdyq beıínderdí qalyptastyruǵa, qyzmetkerlerdí baǵalau jáne damytu júıelerín qūruǵa keń múmkíndíkter ashady.
Resurs turaly tolyq aqparatty Career.Enbek platformasynan kóruge bolady: https://career.enbek.kz/kk/skills-bank/main