14 qańtarda Atyraý áýejaıynda FlyArystan áýe kompanıasyna tıesili ushaq qonǵannan keıin ushý-qoný jolaǵynan shyǵyp ketken. Ushaq bortynda jolaýshylar bolǵan, dep habarlaıdy Aqshamnews.kz tilshisi.
Almaty – Atyraý baǵytyndaǵy FS7202 reısin oryndaǵan áýe kemesi sátti qonǵan. Alaıda ushý-qoný jolaǵyn bosatyp, turaqqa qaraı bet alǵan sátte ushaq tómen jyldamdyqpen júrý jolynan shyǵyp ketken.
Áýe kompanıasynyń málimetinshe, bortta 166 jolaýshy bolǵan. Olardyń barlyǵy qaýipsiz túrde ushaqtan túsirilgen. Jolaýshylar men ekıpaj músheleri arasynda zardap shekkender joq.
FlyArystan ókilderi oqıǵaǵa baılanysty áýejaı qyzmetterimen jáne avıasıalyq bılik ókilderimen birlesip, jaǵdaıdy belgilengen tártipke saı tergep-tekserý jumystary júrgizilip jatqanyn málimdedi.