Eńbek jáne halyqty áleýmettik qorǵaý mınıstrliginiń málimetinshe, qandastar eńbek kúshi tapshy aımaqtarǵa qonystandyryldy, dep habarlaıdy aqshamnews.kz
Mınıstrliktiń málimetinshe, bıylǵy jyldyń basynan beri Qazaqstanǵa 8 051 etnıkalyq qazaq oralyp, qandas mártebesin aldy.
1991 jyldan beri elge qaıta oralǵan qazaqtardyń jalpy sany 1 mıllıon 156,1 myń adamǵa jetken.
Qaı elderden keldi?
Qandastardyń basym bóligi Azıa elderinen kóship kelýde:
Ózbekstannan – 44,2 paıyz;
Qytaıdan – 43,2 paıyz;
Túrikmenstannan – 5 paıyz;
Mońǵolıadan – 2,7 paıyz;
Reseıden – 2,4 paıyz;
basqa memleketterden – 2,5 paıyz.
Qandaı úlesi eńbekke jaramdy?
Resmı derek boıynsha, qonys aýdarǵan etnıkalyq qazaqtardyń 59,1 paıyzy eńbek etýge qabiletti. Olardyń jartysynan kóbi jalpy orta bilim alǵan.
Qandastardyń eńbekke qabiletti tobynyń bilim deńgeıi mynadaı:
joǵary bilim – 15,7 paıyz;
arnaýly orta bilim – 28,1 paıyz;
jalpy orta bilim – 53,5 paıyz;
bilimi joqtar – 2,7 paıyz.
Sonymen qatar, qonys aýdarýshylardyń 31,8 paıyzy – kámeletke tolmaǵandar, 9,1 paıyzy – zeınetkerler.
Qaı óńirlerge qonystandy?
Kóship kelgen qandastar eńbek kúshi tapshy aımaqtarǵa qonystandyryldy. Olar: Aqmola, Abaı, Qostanaı, Pavlodar, Atyraý, Batys Qazaqstan, Shyǵys Qazaqstan jáne Soltústik Qazaqstan oblystary.
- 2025 jylǵa arnalǵan óńirler boıynsha qandastardy qabyldaý kvotasy 2 309 adamdy quraıdy. 1 tamyzdaǵy jaǵdaı boıynsha eńbek kúshi tapshy óńirlerge 1 286 qandas ornalastyryldy, – delingen mınıstrlik habarlamasynda.