İshki ister mınıstrliginiń resmı ókili Shyńǵys Alekeshev áleýmettik jelidegi jalǵan aqparattyń taralýyna qatysty pikir bildirdi. Bul týraly ol Astana Media Week medıa aptalyǵynda bólisti, - dep habarlaıdy Aqshamnews.kz tilshisi.
Resmı ókil Perızat Qaıratty mysalǵa keltirdi.
"Alǵashqy sot otyrysynda ol ýaqytsha ustaý ızolátorynda soqqyǵa jyǵylǵanyn aıtty. Dereý tekserdik, ol qolyn esikke uryp alǵany anyqtaldy. Beınejeton, beınekameralar ornatylyp jatyr. Mundaı sıfrlyq qosymshalardy qosyp jatyrmyz. Sondaı-aq, 102 mobıldik qosymshasy bar, Kaspi, Halyk, Egov-ta shaǵym joldaı alatyn mobıldi qyzmetti iske qostyq. Alǵashynda 500 shaǵym tússe, qazir 30 myńnan asa shaǵym túsedi. Qoǵamdyq oryndaryndaǵy SOS batyrmalary da bar", - dedi ol.
Shyńǵys Alekeshevtiń aıtýynsha, búginde oqytý baǵdarlamalary túbegeıli qaıta qaralǵan.
"Jalǵan aqparatpen kúres qarqyndy júrip jatyr. Óıtkeni ol dúrbeleń týdyrady. Mysaly bıyl jalǵan aqparat taratqan 64 adam ákimshilik jaýapkershilikke tartylyp, 14 qylmystyq is qozǵaldy", - deıdi ol.