Jolaýshylar poıyzdarynda qyzmet kórsetý sapasyn jaqsartý maqsatynda bıyl 140 jańa jolaýshylar vagonyn jetkizý josparlanýda.
Rail-news.kz málimetine saı, bul ótken jylmen salystyrǵanda 22 vagonǵa artyq, dep habarlaıdy Almaty-akshamy.kz.
dep habarlaıdy
Kólik mınıstrliginiń málimetinshe, josparlanǵan kólemniń 50 birligi jetkizildi, birinshi jarty jyldyqtyń sońyna deıin taǵy 12 vagon jetkiziledi dep kútilýde. Bul vagondar kelesi baǵyttar boıynsha qyzmet kórsetedi:
- Qyzylorda - Semeı
- Pavlodar - Almaty
- Aqtóbe - Atyraý
- Almaty - Saryaǵash
Al, jyl sońyna deıin kelesi baǵyttar boıynsha vagondar jańartylady:
- Pavlodar - Túrkistan
- Qaraǵandy - Samara
- Qaraǵandy - Omby
- Qostanaı - Almaty
Sondaı-aq, 20-ǵa jýyq vagondardyń jyljymaly quramyndaǵy motorly vagondardyń kelýi kútilýde. Olar kelesi baǵyttar boıynsha bólinedi:
- Ereımentaý - Astana
- Ereımentaý - Kókshetaý
- Temirtaý - Aǵadyr
Vagondar otandyq óndirýshiden alynǵan. Olar barlyq zamanaýı talaptarǵa saı keledi. Aýany baptaý jáne beınebaqylaý júıesi, sırkýlásıalyq aýany zalalsyzdandyrý qurylǵylary, dárethanalar, mobıldi qurylǵylardy/gadjetterdi qaıta qýattaýǵa arnalǵan USB porttary jáne ár orynnyń janynda jeke jaryqtandyrý bar. Mıkrotolqyndy peshtermen, tońazytqyshtarmen, aýyz sý dıspenserlerimen jáne qaınatqyshpen jabdyqtalǵan.
Shtabtyq vagondarda múmkindigi shekteýli azamattarǵa arnalǵan kýpeler bar.