1 aqpan men 22 maýsym aralyǵynda 393 529 qala turǵyny vaksına alǵan.
Almaty qalasy qoǵamdyq densaýlyq basqarmasynyń baspasóz qyzmeti taratqan málimetke sáıkes, qalada bir táýlikte 7 307 adam koronavırýsqa qarsy vaksına saldyrdy, dep habarlaıdy Almaty-akshamy.kz.
«Vaksına alǵandar ishinde 60 jastan asqan qart kisiler - 53 623. Qalada 211 pýnkt jumys istep tur. 1 257 adamnan turatyn 304 egý brıgadasy bar. Sonymen qatar, 40 kóshpeli mobıldi brıgada uıymdastyryldy. Medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaksınasıa pýnkti jumys isteıdi. Qala boıynsha birinshi komponenttiń 65 021 dozasy jáne ekinshi komponenttiń 95 682 dozasy bar», - dep habarlady basqarmasynyń baspasóz qyzmeti.