Ekpeníń 1-komponentín aqpan aıynan berí 615 661 adam saldyrǵan.
Ekpe saludan almatylyqtar kósh bastap tūr. Ótken táulíkte Almatyda 15 myńnan astam adam vaktsına saldyrǵan, dep habarlaıdy Almaty-akshamy.kz Baq.kz caıtyna sílteme jasap.
Almaty qalasy qoǵamdyq densaulyq saqtau basqarmasynyń málímetí boıynsha, vaktsına alǵandar íshínde 60 jastan asqan kísílerdíń sany - 91 263.
Búgíngí tańda Almatyda medıtsınalyq ūıymdarda, mektepterde, mádenıet, sport obektílerínde, bazarlarda jáne qalanyń SOSO-da 212 vaktsınalau punktí jūmys ísteıdí. 308 vaktsınatsıya brıgadasynda 1 260 medıtsına qyzmetkerlerí jūmyldyrylǵan.
Sondaı-aq qalada koronavırustyń taraluy álí de ūshyǵyp tūr. 13 shílde kúngí jaǵdaı boıynsha koronavırustyq ınfektsıyanyń 640 jańa jaǵdaıy tírkelgen.
«Infektsıyalyq statsıonarlarda 1 947 adam em aluda, onyń 168-í - bala. Jalpy, reanımatsıya jáne qarqyndy terapıya bólímshesínde 133 nauqas bar. BMSK men Telemedıtsına ortalyǵynyń mobıldí toptarymen bírge úı jaǵdaıynda 3 527 nauqas baqylauda, olardyń íshínde jeńíl jáne ortasha auyrlyq dárejesínde 3194, sımptomsyz 333 nauqas bar», - delíngen habarlamada.