Almaty oblysynyń kópbeıindi klınıkalyq aýrýhanasynda kóp aǵzalyq donorlyq proses júrgizildi.
Dárigerlik konsılıýmnyń qorytyndysy boıynsha 1979 jyly týǵan pasıentte mıdyń ólimi anyqtaldy. Túsindirme áńgimeden keıin týystary qaıtys bolǵannan keıingi donorlyqqa kelisim berý týraly sheshim qabyldady.
Barlyq kezeńderdi uıymdastyrýdy jáne úılestirýdi Transplantattaýdy jáne joǵary tehnologıalyq medısınalyq qyzmetterdi úılestirý jónindegi respýblıkalyq ortalyq qamtamasyz etti. Donorlyq proses barysynda eki búırek, júrek, baýyr jáne móldir qabyq alyndy.
Barlyq donorlyq aǵzalar beıindi medısınalyq uıymdarǵa jedel jetkizildi. Júrek, baýyr, búırek jáne móldir qabyqty transplantattaý sátti aıaqtaldy. Medısınalyq kómek pasıentterge, onyń ishinde respýblıkalyq kútý paraǵynda turǵan balaǵa kórsetildi.
Densaýlyq saqtaý mınıstrligi týystaryna kórsetken batyldyǵy men basqa adamdardyń ómirin saqtap qalýǵa qosqan úlesi úshin shyn júrekten alǵys bildiredi.
2025 jyldyń sońyndaǵy jaǵdaı boıynsha Qazaqstanda transplantattaýdy kútý paraǵynda 4 506 pasıent, onyń ishinde 123 bala bar. Basym kópshiligi - 90%-dan astamy - búırekti transplantattaýdy qajet etedi.