Belgili mádenıet menedjeri Nurǵısa Dáýeshov jańa qyzmetke taǵaıyndaldy, - dep habarlaıdy aqshamnews.kz tilshisi.
Búgin QR Premer-Mınıstriniń orynbasary — Mádenıet jáne aqparat mınıstri A.Ǵ. Balaevanyń buıryǵymen Dáýeshov Nurǵısa Muratuly "Jambyl atyndaǵy Qazaq memlekettik akademıalyq fılarmonıasy" respýblıkalyq memlekettik qazynalyq kásipornynyń dırektorynyń mindetin atqarýshy laýazymyna taǵaıyndaldy.
N. Dáýeshov — mádenıet salasynyń bilikti mamany, dáýlesker kúıshi, "Qazaqstannyń eńbek sińirgen qaıratkeri".
Nurǵısa Muratuly eńbek jolynda kóp jyldar boıy Qurmanǵazy atyndaǵy Ulttyq orkestrdi abyroımen basqardy, Temirbek Júrgenov atyndaǵy Ulttyq óner akademıasynda oqytýshylyq qyzmet atqardy. Keıin QR Mádenıet jáne sport mınıstrliginde 4 jyl tolyq merzimde vıse-mınıstr bolyp, mádenıet salasynyń qordalanǵan máselelerin júıeleýge eńbek sińirdi. Mádenıet salasyndaǵy kóptegen jobalardyń avtory.